Sələf Xəbər


İQTİSADİYYAT VƏ MALİYYƏ

 Son Xəbərlər

Dolların məzənnəsi haqqında – Proqnoz

Oktyabr 18
15:18 2017

Dollar indeksi (DXY) sentyabr ayının 8-də son 33 ayın minimal səviyyəsi olan 91,01 bəndə gerilədikdən sonra yenidən yüksəlməyə başlayıb.

Selefxeber.az-ın məlumatına görə, “Report“un analitik qrupu bildirir ki, dollar indeksinin ilin sonuna qədər 97 bəndə qədər yüksəlməsi gözlənilir.

Qeyd edək ki, dollar indeksi – ABŞ dollarının dünyanın 6 əsas valyutasından ibarət valyuta səbətinə nisbətini göstərir. Bu, avro (səbətdə payı 57,6%), yen (13,6%), funt sterlinq (11,9%), Kanada dolları (9,1%), İsveç kronu (4,2%) və İsveçrə frankı (3,6%) təşkil edir. İndeks 1973-cü ilin mart ayından hesablanır və baza dəyəri 100 qəbul olunub.

Donald Trampın inauqurasiya günü 101 bənd təşkil edən dollar indeksi hazırda 93,5-ə bərabərdir. Azalma təxminən 7,4% təşkil edib. Dollar indeksi məhz Trampın inauqurasiyasından sonra 103,82 bəndə yüksələrək son 14 ilin maksimal həddinə çatıb.

“Texniki təhlillər göstərir ki, dollar indeksi 80 bənddən aşağı düşmədiyi təqdirdə uzunmüddətli perspektivdə yüksəlişini sürdürəcək. Yüksəlişin 121 bəndə qədər, yəni cari səviyyədən 29%-ə yaxın yuxarı olması ehtimal edilir. Belə olduğu halda, dolların sadalanan valyutalarla müqayisədə məzənnəsi orta hesabla 29% möhkəmlənəcəyi proqnozlaşdırılır. Bu möhkəmlənmə bəzi valyutalarla müqayisədə daha çox, bəzilərinə qarşı isə az ola bilər. Məsələn, səbətin əsas valyutası sayılan avro ilə müqayisədə cari səviyyədən dolların 29% bahalaşması USD/EUR məzənnəsinin təxminən 0,83-ə düşməsinə səbəb olacaq. Yəni, dollar avrodan baha olacaq və 1 dollara 1,20 avro veriləcək. Müqayisə üçün qeyd edək ki, hazırda əksinə, 1 avroya 1,18 dollar və ya 1 dollara 0,85 avro ödənilir”, – analitiklər əlavə ediblər.

Dollar indeksinin tarixi rekordu – 164,7 bənd səviyyəsinə təkrar yüksəlməsi halında isə, dolların təxminən 6 valyutayla müqayisədə orta hesabla 76% möhkəmlənəcək. Belə olarsa, USD/EUR məzənnəsi 0,28-ə qədər geriləyə bilər: “Yəni, 1 dollara 3,57 avro ödənilə bilər”.

Xatırladaq ki, DXY indeksinin maksimal səviyyəsi 1985-ci ildə (164,7), minimal səviyyəsi isə 2008-ci ildə (70,7) qeydə alınıb.

Sələf Xəbər: Uca Allah buyurur: “Yer üzündə elə bir canlı yoxdur ki, onun ruzisini Allah verməsin. (Allah) onların qərar tutduqları yeri də, qorunub saxlanıldıqları yeri də bilir. (Bunların) hamısı açıq-aydın Yazıdadır (Lövhi-məhfuzdadır).” (Müqəddəs Quran, “Hud” surəsi, 6-cı ayə).

“Uca Allah yer üzündə yaşayan, istər insanlar və ya heyvanlar olsun, quruda və ya suda yaşayanlar olsun, bütün canlı məxluqlarını ruzi və maddi nemətlərlə təmin etməyi Öz öhdəsinə götürmüşdür. Onların hamısı ruzisini Allahdan alırlar. Ona məxluqlarının məskunlaşdığı və yaşadığı yerlər və həmçinin onların gedib-gəldikləri yerlər məlumdur. Onların yerdə yaşayışının bütün təfərrüatı Mühafizəolunan Lövhədə yazılmışdır. Onda səmalarda və yerdə baş verməli olacaq bütün hadisələrə aid biliklər öz əksini tapmışdır. Bütün bunlar əzəldən Allaha məlum idi və yazı qələmi ilə qeyd olunmuşdur. Allah istəmişdir ki, hər şey məhz olacağı kimi baş versin və hər bir məxluq ruzisini tam ala bilsin. Bu isə o deməkdir ki, məxluqların ürəkləri Rəbbə təvəkkül etməlidir, çünki O, onları maddi nemətlə təmin etməyi öhdəsinə götürmüş və onların barəsində hər şeyi və onların hər birinin keyfiyyətini bilir.” (Bax “Təfsir Əs-Saadi”)

Digər xəbərlər

BİZİM FACEBOOK SƏHİFƏMİZ

XƏBƏR LENTİ

   

BİZ SƏLƏFİLƏR KİMİK?

📅1 Fevral, 2018🕔17:3030. 466 dəfə baxılıb

BİZİ TWİTTER-DA İZLƏYİN