Yaddaşsızlıq problemini yox edən qaydalar
1. 506 dəfə baxılıb
Bunun üçün beynimizin fəal olması olduqca vacibdir.
“Sələf Xəbər” Sputnik.az-a istinadən məlumat verir ki, Nevrologiya üzrə mütəxəssis və elmlər doktoru Əli Kamal Ərdəmoğlu, yaddaşı gücləndirməyin yollarını açıqlayıb.
Gündəlik sağlam bəslənərək bir çox xəstəliyin qarşısı alındığı kimi beyni inkişaf etdirmək və bəsləmək də mümkündür.
Rejimsiz bəslənmək isə sinir sisteminə mənfi təsir edir.
Yaddaşsızlıq problemini həll etmək üçün beynimizi aktiv tutmağımız olduqca vacibdir. Misal üçün, alzheimer xəstəliyi təhsilsiz kəslərlə müqayisədə təhsilli insanlarda daha az görülməkdədir.
Beynin aktivliyini qorumaq üçün zəka oyunları və s.-lərə vaxt sərf edə bilərsiniz. Ən əsası istənilən yaşda xarici dil öyrənmək yaddaşsızlıq və unutqanlıq problemini həll edir.
Stresten mümkün qədər uzaq durun. Xroniki hal alan təzyiq və stress də unutqanlığa, yaddaş pozğunluğuna səbəb ola bilir.
Yuxusuzluq və yorğunluğun ilk təsir etdiyi mexanizm yaddaşdır. Ona görə də çalışın yaxşı yatın.
Unutmayın! Kafi, sağlam və rahat yuxu sizi həm stressdən qoruyar həm də yaddaşsızlıq probleminizi həll edər.
Tərkibi vitamin və antioksidanlarla zəngin qidalar qəbul edin. Bol meyvə və tərəvəz yeyin.
Piylənmə və artıq çəki də zehnə olduqca mənfi təsir göstərir. Kökəlmədən uzaq durun.
Gündəlik idmanla məşğul olun, buna laqeyd yanaşmayın. Hər səhər təmiz havada yüngül tempdə qaçmaq sizin yaddaşınıza müsbət təsir edər. Həmçinin orqanlarınızın sağlam qalmasına köməkçi olar.
Spirt, siqaret və narkotik maddələrdən uzaq durun.
Sələf Xəbər: İnsanları, sağlamlıq nemətinin qədrini bilməyə çağıraraq hədislərin birində Peyğəmbərimiz (Allahın ona salavat və salamı olsun) buyurmuşdur: “İki nemət vardır ki, insanların çoxu onların qədrini bilməz. Bunlar səhhət və asudə vaxtdır”. (Buxari)
Məhəmməd peyğəmbər (Allahın ona salavat və salamı olsun) insan sağlamlığına böyük əhəmiyyət vermiş və bizə öz həyatından misal olaraq sağlam həyat tərzinin qaydalarını göstərmişdir. Hədislərə müraciət etsək görərik ki, sağlamlığa ziyan verə biləcək qida və içkilərin qəbulu dinimizdə qadağan edilmiş, səhhətimizi möhkəmləndirəcək, xəstəliklərimizə dərman olacaq faydalı qida və içkilər isə hətta adları və istifadə qaydası ilə birlikdə çatdırılmışdır.
Məhəmməd peyğəmbər (Allahın ona salavat və salamı olsun) buyurmuşdur: “Sərxoş edən hər şey (maddə və s.), çox miqdarı da, az miqdarı da haramdır!” (Tirmizi, şeyx Albani bu hədisin səhih olduğunu təsdiqləmişdir.)
