Azərbaycan ilə Gürcüstan arasında konteyner qatarının hərəkəti bərpa olundu
852 dəfə baxılıb
“Gürcüstan Dəmir Yolları” MMC-dən Trend-ə bildiriblər ki, iyulun 15-dən Azərbaycan ilə Gürcüstan Poti-Bakı marşrutu üzrə konteyner blok-qatarının hərəkəti bərpa olunub.
MMC-dən deyiblər ki, blok-qatar “Azərbaycan Dəmir Yolları” QSC ilə “Gürcüstan Dəmir Yolları” MMC-nin törəmə strukturu – “Trans Caucasus Terminals LLC” şirkəti arasında əldə olunan saziş əsasında konteynerlərin nəql olunmasını təmin edəcək.
Blok-qatar Potidən Bakıya çərşənbə axşamı və şənbə günləri konteynerlər daşıyacaq. Daşınmanın vaxtı 24 saat təşkil edəcək.
Poti-Bakı marşrutu üzrə konteyner qatarı 1996-cı ildən fəaliyyət göstərib, lakin sonralar onun işi dayandırılıb.
MMC-dən verilən məlumata görə, konteyner qatarının öz işinə başlaması ilə qəbul edən tərəf öz yükünü 34 saat ərzində alacaq. Layihənin reallaşdırılması avtomobil magistrallarında konteyner yükdaşımalarının həcmini də azaldacaq.
Sələf Xəbər: Xatırladaq ki, Uca Allah 1400 il əvvəl Quranda, indiyədək bəşəriyyətə məlum olmayan müxtəlif nəqliyyat növlərinin meydana çıxması barədə bizə xəbər verib. Uca Allah buyurur: “Atları, qatırları və uzunqulaqları sizə həm minik, həm də zinət olsun deyə (Allah yaratdı). O, sizin hələ bilmədiyiniz bir çox şeylər də yaradacaqdır.” (Müqəddəs Quran, “Ən-Nəhl” surəsi, 8-ci ayə).
Nüfuzlu Quran təfsirçisi, Əbdurrahman Əs-Saadi (Allah ona rəhmət etsin) bu ayəni şərh edərkən demişdir: “Uca Allah həmçinin xəbər verir ki, Quran nazil edildikdən sonra da insanları bilmədiyi çoxlu şeylər yaradılacaqdır. İnsanlar quruda, dənizdə və havada istifadə ediləcək müxtəlif əşyalar icad edəcəklər. Onlar bu ixtiraları öz maraqları üçün tətbiq edəcək və onlardan faydalanacaqlar. Allah bu ixtiraları adbaad sadalamır, çünki Müqəddəs Kitabda Allahın qullarına məlum olan əşyaların adları çəkilmişdir ki, onları mövcud olan digər oxşar əşyalarla müqayisə etmək mümkündür. Əgər Quranda bu Kitab nazil edilən zaman hələ mövcud olmayan şeylərin adı xatırlansaydı və insanlar o uzaq zamanlarda belə şeylərin bənzərini görməmiş olsaydılar, onda onlar o şeylərin heç mahiyyətini belə dərk edə bilməzdilər. Buna görə Allah ayəni geniş məna ilə nazil etmişdir ki, o, bütün məlum olan və ya naməlum məxluqları əhatə edə bilsin.”
Uca Allah Quranda məhz nəqliyyatı xatırlatması ona görədir ki, bu – Onun insanlar üçün böyük lütflərindən biridir. Hələ bundan bir az əvvəl, maşın, qatar, təyyarə və başqa nəqliyyat növlərinin ixtirasına qədər, insanlar hər hansı rahatlıq olmadan yola həftələr, hətta aylar sərf edirdi, bu gün isə biz rahat şəkildə gün ərzində dünyanın istənilən nöqtəsinə çatırıq, bu da şübhəsiz ki, Uca Allahın bir lütfüdür.
