İlham Əliyev (Allah onu qüvvətləndirsin): “Biz Ukraynanın ərazi bütövlüyünü tanıyırıq”
Yanvar 22
22:48
2015
720 dəfə baxılıb
“Biz bütün ölkələrin, o cümlədən, Ukraynanın ərazi bütövlüyünü tanıyırıq”.
“Sələf Xəbər”in APA-ya istinadən verdiyi məlumata görə, bunu Azərbaycan Prezidenti İlham Əliyev (Allah onu qüvvətləndirsin) Almaniyanın federal kansleri Angela Merkellə görüşdən sonra keçirilən birgə brifinqdə deyib.
Dövlət başçısı qeyd edib ki, Azərbaycan BMT Baş Assambleyasında keçirilən səsvermədə də Ukraynanın ərazi bütövlüyünü açıq şəkildə dəstəkləyib: “Biz hesab edirik ki, bu, beynəlxalq hüququn əsas prinsipidir. Ölkələrin ərazi bütövlüyü ölkələrin razılığı olmadan dəyişdirilə bilməz. Əgər pozulubsa, əlbəttə ki, bərpa olunmalıdır”.
