Sələf Xəbər


AZƏRBAYCAN XƏBƏRLƏRİ

 Son Xəbərlər

Azərbaycan dünya pasport reytinqində mövqeyini yaxşılaşdırıb

Yanvar 09
17:59 2018

“Henley & Partners” şirkəti tərəfindən tərtib edilmiş və viza məhdudiyyətləri indeksinə əsaslanan reytinqə əsasən, Azərbaycan pasportu dünyada “gücünə” görə 72-ci yeri tutur.

Selefxeber.az-ın məlumatına görə, “Report” xəbər verir ki, Azərbaycan “Henley & Partners” şirkətinin ötənilki reytinqi ilə müqayisədə mövqeyini 2 pillə yaxşılaşdırıb (keçən il 74-cü sırada idi).

Bu siyahıda Ermənistan 76-cı, Gürcüstan 53-cü, Rusiya 48-ci, Belarus 65-ci, Ukrayna 44-cü olub.

Reytinqə əsasən, Almaniya pasportu sərbəst hərəkət etmək üçün daha çox imkan verir – 177 ölkə. İkinci pillədə 176 ölkə göstəricisi ilə Sinqapur qərarlaşıb. 8 ölkənin – İsveç, Böyük Britaniya, Danimarka, İtaliya, Norveç, Finlandiya, Fransa və Yaponiyanın pasportları ilə isə viza rəsmiləşdirmədən dünyanın 175 ölkəsinə səfər etmək mümkündür.

Qeyd edək ki, indeks dünyada 200-dən çox ölkə və ərazilərin viza rejimini araşdırır və onları vizasız girişin mümkün olduğu ölkələrin sayı üzrə sıralayır.

Ölkənin reytinqdəki mövqeyi vətəndaşlarının vizasız gedə biləcəyi ölkələrin sayı ilə müəyyən edilir.

Digər xəbərlər