Sələf Xəbər


İCMAL VƏ RƏY

 Son Xəbərlər

Qarabağda üstünlüyümüzü şərtləndirən səbəb – Təhlil

Dekabr 21
15:46 2017

Azərbaycan Ordusunun əsas təchizatçısı artıq Müdafiə Sənayesi Nazirliyidir. Azərbaycanın istehsal etdiyi PUA-lar həm kəşfiyyat xarakterlidir, həm də lazımı anda düşmənin postlarına raket zərbələri endirmək iqtidarındadır.

Selefxeber.az-ın məlumatına görə, bunu “Axar.az“a açıqlamasında sabiq dövlət müşaviri Qabil Hüseynli deyib. Sözügedən PUA-ların Ermənistanda olmadığını qeyd edən politoloq hazırda əsas hərbi üstünlüyün Azərbaycanda olduğunu bildirib:

“Azərbaycan “Dəmir gümbəz” raket texnologiyasını da mənimsədiyi halda işğalçının İsgəndər-M-lərini asanlıqla məhv edə biləcək. Qarşıya qoyulan bir nömrəli məqsəd hərbi sənaye kompleksinin yaradılmasıdır və bunun bünövrəsi qoyulub. Bu zəmin üzərində ölkəmiz daha ağır zirehli hərbi texnika istehsalına keçəcək. Artıq ilk məhsullarımız var. Söhbət CAR ilə birgə istehsal olunan zirehli nəqliyyatlardan gedir. Gələcəkdə bu baza üzərində tank istehsalına da başlanılacaq. Azərbaycanda bir neçə tank və zirehli transpartyor təmiri zavodu var. Həmin zavodların təkmilləşdirilərək istehsal sahəsinə çevrilməsi gündəmdədir. Bu, Azərbaycanın hərbi qüdrətini artırmaq üçün yetərli mənbədir. Bir sözlə, Azərbaycan gələcəkdə inkişaf etmiş hərbi sənaye kompleksinə sahib olacaq ki, bu da Dağlıq Qarabağ probleminin həllində və milli təhlükəsizliyimizin təmin edilməsində öz sözünü deyəcək”.

Digər xəbərlər