Sələf Xəbər


AZƏRBAYCAN XƏBƏRLƏRİ

 Son Xəbərlər

Əli Həsənov: Rəsmi Bakı Qarabağ münaqişəsində müəyyən güzəştlərə hazırdır

Dekabr 28
17:16 2017

Azərbaycanın Dağlıq Qarabağ münaqişəsinə dair mövqeyi aydındır. Bu mövqe BMT Təhlükəsizlik Şurası, ATƏT, Avropa Şurası və bütün dünya ictimaiyyətinə təqdim olunub.

Selefxeber.azOxu.Az”a istinadən xəbər verir ki, bu barədə Azərbaycan Respublikası prezidentinin İctimai-siyasi məsələlər üzrə köməkçisi Əli Həsənov “The Jerusalem Post ” nəşrinə müsahibəsində bəyan edib:

“Azərbaycanın məsələyə yanaşması ondan ibarətdir ki, münaqişələrin həlli zamanı beynəlxalq hüquqa əməl olunmalıdır. Bu, o deməkdir ki, Ermənistanın işğalçı qoşunları qeyd-şərtsiz Azərbaycan ərazilərini tərk etməli, ölkənin ərazi bütövlüyü və suverenliyi bərpa olunmalı, məcburi köçkünlər isə öz torpaqlarına qayıtmalıdırlar.

Azərbaycanın mövqeyi belədir ki, başqa dövlətin beynəlxalq hüququn tanıdığı ərazisində dövlət yaratmaq, bu məqsədə çatmaq üçün milli-etnik zəmində zorakılıq və silaha əl atmaq yolverilməzdir.

Əlbəttə, biz müəyyən güzəştlərə və problemin konstruktiv həllinə hazırıq. Bununla əlaqədar olaraq, biz münaqişənin dayanıqlı, effektiv və ədalətli nizamlanması üçün Azərbaycanın daxilində Dağlıq-Qarabağ regionuna daha geniş muxtariyyətin verilməsi, həmçinin Azərbaycanın qanunvericiliyi və beynəlxalq hüququn normalarına müvafiq olaraq, orada yaşayan erməni əhalisinin mülki, sosial-iqtisadi və mədəni hüquqlarının təmin olunması haqqında məsələni nəzərdən keçiririk”.

Sələf Xəbər: Uca Allahdan tezliklə Qarabağımızı işğalçılardan azat etməkdə dövlətimizə və xalqımıza yardım etməsini diləyirik.

Digər xəbərlər