Əməliyyatda 100-ə yaxın PKK terrorçusu öldürülüb
609 dəfə baxılıb
Türkiyə Silahlı Qüvvələrinin həyata keçirdiyi iki əməliyyat nəticəsində 100-ə yaxın PKK terrorçusu məhv edilib.
“Sələf Xəbər”in APA-ya istinadən verdiyi xəbərə görə, bu barədə Türkiyə Silahlı Qüvvələrinin Baş Qərargahı məlumat yayıb.
Məlumatda bildirilir ki, Türkiyə Silahlı Qüvvələrinin F-16 və F-4 2020 döyüş təyyarələrinin sentyabrın 15-də İraqın şimalındakı Sinat-Haftanin bölgəsində PKK mövqelərinə həyata keçirdiyi əməliyyat nəticəsində terror təşkilatının istifadə etdiyi mağara, ağac altı çadırlar, xüsusi qorunan sığınacaqlar, silah-sursat anbarları və yerüstü sığınacaqlar vurulub. Əməliyyat nəticəsində ilkin hesablamalara görə, azı 55-60 terrorçu öldürülüb.
Daha bir əməliyyat isə Tunceli vilayətinin Ovacık bölgəsində baş tutub. “Şəhid polis Aydın Nazillioğlu” adlı əməliyyat zamanı 30-35 PKK terrorçusu məhv edilib.
Sələf Xəbər: Uca Allahdan qardaş Türkiyəyə səbir verməsini və onların Tək Ona edilən ibadətlərini asanlaşdırmasını diləyirik. Amin!
Uca Allah buyurur: “Sözsüz ki, hər çətinliyin ardınca asanlıq gəlir”. (Qurani-Kərim, “Şərh” surəsi, 5-ci ayə)
