Ərdoğan Küveyt sahibkarlarını ölkəsinə sərmayə qoymağa çağırıb
![](http://selefxeber.az/wp-content/uploads/2015/04/sx-news-2120-680x355.jpg)
692 dəfə baxılıb
“Sələf Xəbər” APA-ya istinadən xəbər verir ki, Türkiyə Prezidenti Rəcəb Tayyip Ərdoğan Küveytə rəsmi səfəri çərçivəsində bu ölkənin sahibkarları ilə görüşərək onları Türkiyə iqtisadiyyatına sərmayə qoyuluşunu artırmağa çağırıb.
“Küveyt sahibkarları Türkiyəyə 2 mlrd dollardan az sərmayə yatırıb. Bu məqsədli göstəricidən xeyli aşağıdır. Heç bir xarici sərmayəçi Türkiyəyə sərmayə yatırmaqdan peşman olmayıb”, – deyə Ərdoğan çıxışında bildirib.
Ərdoğan Türkiyə və Küveytin 569 mln dollar həcmində olan mal dövriyyəsini 2016-cı ildə bir milyard dollar səviyyəsinə çatdırmaq niyyətində olduqlarını qeyd edib.
Qeyd edək ki, Türkiyə prezidenti ikigünlük səfəri çərçivəsində Küveytin əmiri Sabah əl Əhməd əl Cabir as Sabah ilə görüşüb. İkitərəfli əlaqələrlə yanaşı tərəflər Yəmən, Suriya, İraq, Liviya və Fələstindəki münaqişələri müzakirə ediblər.
Ərdoğan Yəməndə sabitliyin vacibliyini qeyd edərək bu ölkədəki vəziyyətə siyasi müdaxilə etməyə çağırıb.
Sələf Xəbər: “Yaxşılıq etməkdə və pis əməllərdən çəkinməkdə əlbir olun, günah iş görməkdə və düşmənçilik etməkdə bir-birinizə kömək göstərməyin. Allahdan qorxun. Həqiqətən, Allahın əzabı şiddətlidir!” (əl-Maidə: 2).
Uca Allahdan bütün müsəlmanların mənəvi və dünyəvi vəziyyətini düzəltməyini diləyirik. Amin!