Sələf Xəbər

 Sələf Xəbər: Sələf Xəbər: Bu gün dünyanın bir çox yerlərində terror aktları törədən, haqq-hüquq tanımayan üzdəniraq “insanlar” İslama və müsəlmanların adına böyük ləkə vurmaqdadırlar. Bu günlərdə qardaş Türkiyədə baş vermiş terror hadisəsi, terror təhlükəsi və hədə-qorxuları bir müsəlman kimi hər birimizi kədərləndirməkdədir. Özlərini dünyaya “sələfi” kimi qələmə verib, lakin əslində əsl sələfilikdən heç bir əsər-əlaməti olmayan İŞİD xəvaric terror qruplaşması əsl İslamı boğmaq və İslam həqiqətlərini ləkələmək üçün bilərəkdən, yaxud bilməyərəkdən dəridən-qabıqdan çıxırlar.
Sələfilər, başda böyük alimlərimiz olmaqla bu kimi iyrənc əməllərə nifrət edir, belə əməl sahiblərini sərt şəkildə qınayırıq.
Həbs edilən Əbu Hanzala adlı şəxsin təkfirçi, xəvaric olması haqqında azərbaycanlı elm adamları sosial şəbəkələrdə dəfələrlə çıxış edib, onun radikal düşüncələrini də rədd ediblər.

XX əsrin məşhur İslam alimi İbn Useymin (Allah ona rəhmət etsin) deyib: “Şübhə yoxdur ki, ağıl sahibi olan heç kəs, xüsusilə, dindarlar, belə işlərdən (terror aktları) məmnun ola bilməz, bir halda ki, bu Qurana və Sünnəyə ziddir. Bunda İslam üçün həm daxildən, həm də xaricdən ziyan vardır. Bu böyük cinayətdir, lakin ədalətsizlər müvəffəqiyyət qazanmayacaqlar. Tezliklə, Allahın izni ilə, onlar öz əməllərinin qarşılığını bütünlüklə alacaqlar. Elm tələbələrinin bu yolun, xəvariclərin yolunun iyrənc yol olduğunu insanlara izah etmələri mütləqdir”. (“Fatava əş-şariyyə fi kadayyə əl-asriyyə”, 47)