Səudiyyə Ərəbistanında məscidə hücumda 4 nəfər ölüb – VİDEO
823 dəfə baxılıb
Hadisə ölkənin şərq vilayətinin mərkəzi əd-Dammam şəhərində baş verib.
Səudiyyə Ərəbistanında cümə namazı zamanı məscidin yaxınlığında baş verən partlayış nəticəsində 4 nəfər ölüb. “Sələf Xəbər” “Report”-a istinadən xəbər verir ki, bu haqda BBC məlumat yayıb.
Xəbərə görə, hadisə ölkənin şərq vilayətinin mərkəzi əd-Dammamda şəhərində baş verib.
Məlumata əsasən, qadın paltarı geyinən intiharçı özünü məscidin qadınlara aid hissəsində partlatmaq istəyib. Ancaq mühafizəçilər onu saxlayıb. O da özünü məscidin yaxınlığında partladıb. Xəbərdə bildirilib ki, partlayış nəticəsində 4 nəfər, o cümlədən intiharçı da ölüb.
Qeyd edək ki, bu yaxınlarda ölkənin şərqində yerləşən əl-Katıf rayonunun əl-Kodeyh qəsəbəsindəki məsciddə intiharçının özünü partlatması nəticəsində 21 nəfər ölmüş, yüzdən çox insan yaralanmışdı.
Terror hadisəsinin məsuliyyətini İŞİD terror xəvaric qruplaşması öz üzərinə götürüb.
Sələf Xəbər: Uca Allah buyurur: “Allahın məscidlərində Onun adının zikr edilməsinə maneçilik törədənlərdən və onların viranə qalmasına çalışanlardan daha zalım kim ola bilər? Əslində, onlar oraya qorxa-qorxa daxil olmalı idilər. Onlar üçün dünyada rüsvayçılıq, axirətdə isə böyük bir əzab vardır”. (Qurani-Kərim, “Bəqərə” surəsi, 114-cü ayə)
