Oruc tutarkən ağızdan qoxu gəlməməsi üçün tövsiyə
3. 510 dəfə baxılıb
Ramazan ayında oruc tutanların çoxu saatlarla ac qaldıqlarına görə, ağız qoxusu problemi ilə qarşılaşırlar.
Ətrafınızı narahat edəcək ağız qoxusu probleminin həlli üçün “Sələf Xəbər” Aile.lent.az-a istinadən bu məsləhətlərə əməl etməyi tövsiyə edir.
İftardan və imsakdan sonra dişlərinizi mütləq fırçalayıb diş ipi ilə təmizləyin. Dili də fırçalamağı unutmayın. Dişləri fırçalayaraq ağız qoxusunun 20%-dən, dili fırçalayaraq isə 80%-dən qurtula bilərsiniz.
Soyuq su ağız qoxusunu artırır. Soyuq qidalar yeməyin, ilıq qidalar qəbul edin.
İmsakda kolbasa, sosiska, ədviyyatlı, sarımsaqlı qidalar yeməyin.
Ramazan ayı boyunca yemək vərdişinin dəyişməsi ilə bağlı günorta və axşam saatlarında mədə öz suyunu ifraz edir. Bu da ağız qoxusuna səbəb olur.
Axşam və günorta saatlarında danışdığınız insandan bir az uzaq məsafədə durun.
İftarda, ya imsakda ədviyyatlı orqanik içkilər, yaşıl çay, ada çayı için.
Sələf Xəbər: Məhəmməd Peyğəmbər (Allahın ona salavat və salamı olsun) buyurmuşdur: “Uca Allah buyurur: “Adəmoğlunun bütün əməlləri özü üçündür. Oruc istisna olmaqla, o Mənim üçündür və onun da mükafatını Mən verəcəyəm”. Oruc bir qalxandır. Sizdən biriniz oruclu olduğu gün çirkin söz danışmasın, pis iş görməsin, cahillik etməsin. Əgər kimsə ona söysə “mən orucluyam” desin. Məhəmmədin nəfsi Əlində olan Allaha and olsun ki, oruc tutanın tutduğu oruca görə ağzının iyinin dəyişməsi Allah yanında müşk ətrindən daha xoşdur! Oruclunun iki sevinci vardır: biri iftar etdiyi vaxt, digəri isə Rəbbinə qovuşduqda orucuna görə sevindiyi gündür”. (Buxari)
