Sələf Xəbər


AZƏRBAYCAN XƏBƏRLƏRİ, SON XƏBƏRLƏR

 Son Xəbərlər

Küveyt Əmiri Azərbaycana səfərə gələcək – FOTO

Mart 24
15:09 2016

Azərbaycanın Küveyt Dövlətindəki fövqəladə və səlahiyyətli səfiri bu ölkəyə təyin olunması barədə etimadnaməni Küveyt Əmiri Şeyx Sabah Əl-Əhməd Əl-Sabaha təqdim edib.

“Sələf Xəbər” Trend-ə istinadən bildirir ki, səfirlikdən verilən məlumata görə, səfir Elxan Qəhrəman Küveyt Dövlətinin Əmiri Şeyx Sabah Əl-Əhməd Əl-Sabahla görüşüb və etimadnaməsini Əmirə təqdim edib.

Rəsmi mərasimdən sonra keçirilmiş söhbət zamanı səfir Azərbaycan Respublikasının Prezidenti cənab İlham Əliyevin iki dost ölkə arasında əlaqələrin inkişafına böyük əhəmiyyət verdiyini qeyd edib. Əmir Şeyx Sabah Əl-Əhməd Əl-Sabahın Azərbaycana səfər edəcəyinə ümidvar olduğunu deyən diplomat bu səfərin iki ölkə arasında mövcud səmimi münasibətlərin daha da genişlənməsinə öz töhfəsini verəcəyinə inandığını vurğulayıb.

E.Qəhrəman Azərbaycan Respublikasının Prezidenti cənab İlham Əliyevin şəxsən Əmir Şeyx Sabah Əl-Əhməd Ə-Sabaha və dost Küveyt xalqına ünvanladığı salamları və xoş arzuları çatdırıb. Bundan əlavə, respublikamızın Küveytdə səfiri təyin olunması ilə əlaqədar qürur hissi keçirdiyini, bu şərəfli vəzifənin üzərinə qoyduğu məsuliyyəti qeyd edərək, Azərbaycan-Küveyt münasibətlərinin daha da möhkəmləndirilməsi və genişləndirilməsi üçün var qüvvəsini sərf edəcəyini bildirib.

Əmir Şeyx Sabah Əl-Əhməd Əl-Sabah Azərbaycanın ölkəsindəki səfirini qəbul etməkdən məmnun olduğunu bildirib. Əmir Azərbaycanla əlaqələrin inkişafını alqışladığını və bu əlaqələrin daha da inkişaf edəcəyinə əmin olduğunu vurğulayıb. Şeyx Sabah Əl-Əhməd Əl-Sabah cənab İlham Əliyevə xoş arzularına görə səmimi minnətdarlığını ifadə edib, öz növbəsində, möhtərəm Prezidentə salamlarının və bütün Azərbaycan xalqına rifah, inkişaf və tərəqqi barədə arzularının çatdırılmasını xahiş edib.

Əmir 2009-cu ildə Azərbaycan Respublikasının Prezidenti cənab İlham Əliyevin Küveyt Dövlətinə rəsmi səfərinin ona bəxş etdiyi xoş təəssüratlardan danışaraq, özünün Azərbaycana səfər etməsinin yaxın gələcəkdə reallaşacağına ümidvar olduğunu bildirib.

📷

teqdimat_230316_04

teqdimat_230316_01

teqdimat_230316_03

Sələf Xəbər: Uca Allah buyurur: “Ey insanlar! Biz sizi kişi və qadından yaratdıq. Sonra bir-birinizi tanıyasınız deyə, sizi xalqlara və qəbilələrə ayırdıq. Şübhəsiz ki, Allah yanında ən hörmətli olanınız Ondan ən çox qorxanınızdır. Həqiqətən, Allah Biləndir, Xəbərdardır”. (Qurani-Kərim, “Hucurat” surəsi, 13 -cü ayə)

“Uca Allah xəbər verir ki, Adəmin bütün nəsilləri vahid bir mənşəyə malikdirlər. Onların hamısı bir insan nəslinə mənsubdurlar və bir kişi və bir qadından – Adəm və Həvvadan törədilmişlər. Allah onlardan çoxsaylı kişi və qadınlar yaratmış və onları yer üzündə yerləşdirərək, çoxsaylı xalqlara və azsaylı qəbilələrə çevirmişdir ki, onlar bir-birilərini tanısınlar. Bunun sayəsində insanlar bir-birilərinin hesabına çoxlu yeniliklər öyrənir, bir-birilərinə kömək edir, bir-birilərindən onlara əvvəl məlum olmayan şeyləri mənimsəyirlər”. (Bax: “Təfsir Əs-Saadi”)

Digər xəbərlər