Aralıq dənizində yenidən insan faciəsi – 400 nəfər qaçqın boğulub
708 dəfə baxılıb
Aralıq dənizində növbəti faciə baş verib.
“Sələf Xəbər”in ATV.az-a istinadən xəbərinə görə, Misirdən İtaliyaya qeyri-leqal yolla gəlməyə çalışan 400-ə yaxın, çoxu somalili immiqrant Aralıq dənizində boğulub. İlkin məlumata görə, immiqrantlar 4 ayrı gəmidə olublar. Misirdəki Somali səfirliyi faktı təsdiqləyib və hadisə ilə maraqlandıqlarını açıqlayıb. Hadisənin dəqiq baş vermə səbəbləri araşdırılır.
Qeyd edək ki, ötən ilin aprelində də Aralıq dənizində Liviyadan İtaliyaya üzən miqrantlarla dolu gəminin batması nəticəsində azı 400 nəfər ölüb.
Sələf Xəbər: Uca Allah buyurur: “Hər kəs ölümü dadacaqdır. Biz sizi sınamaq üçün şər və xeyirlə imtahana çəkirik. Siz ancaq Bizə qaytarılacaqsınız!” (Qurani-Kərim, “Ənbiya” surəsi, 35-ci ayə)
“Ölüm bütün məxluqların nəsibidir. Bu bir piyalədir ki, onu hər kəs, hətta o, uzun ömür yaşasa da belə, içməlidir. Uca Allah Öz qullarını yerdə xəlq etmişdir, onlara hökmlər və qadağalar nazil etdikdən sonra isə onları xeyir və şərlə, var-dövlət və yoxsulluqla, qüdrət və alçaldılma ilə, həyat və ölümlə imtahana çəkir. Uca Allah buyurur: “Mülk Əlində Olan nə qədər xeyirxahdır. O hər şeyə qadirdir. Əməl baxımından hansınızın daha yaxşı olduğunuzu sınamaq üçün ölümü və həyatı yaradan Odur. O, Qüdrətlidir, Bağışlayandır!” (Qurani-Kərim, “Mülk” surəsi, 1,2-ci ayələr) (Bax: “Təfsir Əs-Saadi”)
