Avstraliyalı hicablı qadını müdafiə etdi
![](http://selefxeber.az/wp-content/uploads/2015/04/sx-news-2039-680x355.jpg)
952 dəfə baxılıb
“Başı bağlıdır deyə, onları terrorçu adlandıra bilmərsiniz”
Avstraliyanın paytaxtı Sidneydə metro ilə gedən müsəlman qadın və kişi yerli sakinlərdən biri tərəfindən təhqir olunub.
“Sələf Xəbər” Teleqraf.com-a istinadən xəbər verir ki, avstraliyalı müsəlmanlara “niyə hicab geyirsiniz”, “bir-birinizi niyə qırırsınız”, “xristianları niyə öldürürsünüz”, – deyə, təhqir edib.
Stacey Eden adlı avstraliyalı isə müsəlmanların müdafiəsinə qalxıb: “Başı bağlıdır deyə, onları terrorçu adlandıra bilmərsiniz. Bədənini göstərməmək üçün başını örtür. Özü bilər. Bizim onlara hörmətlə yanaşmağımız lazımdır”, – deyə, Eden etirazını bildirib.
Edenin sosial şəbəkədə paylaşdığı video izlənmə rekordu qırıb.
Sələf Xəbər: Xatırladaq ki, İslam qaydalarına əsasən, hicab müsəlman qadınları üçün mütləq geyimdir.
Uca Allah buyurur: “Ey Peyğəmbər! Zövcələrinə, qızlarına və möminlərin qadınlarına de ki, (naməhrəm yanında) çarşabları ilə örtünsünlər…” (Qurani-Kərim, “Əhzab” surəsi, 59-cu ayə)