Müsəlman taksi sürücüsü unudulmuş 500 000 dolları sahibinə qaytardı
2. 870 dəfə baxılıb
Birləşmiş Ərəb Əmirliklərinin Şarja şəhərində taksi sürücüsü işləyən pakistanlı Naseerallah Şer Dola sərnişinin taksidə unutduğu pul dolu çantanı sahibinə qaytarıb.
Sələfxəbər.az -ın “İslam News“-a istinadən xəbərinə görə, Cənubi Koreyalı iş adamını Şarja hava limanından Dubaya apardıqdan sonra içində 1,7 milyon dirhəm ( 500 min dollara yaxın) pul dolu çantanın taksidə unudulduğunu görən sürücü dərhal polisə məlumat verib.
Taksi sürücüsü nümunəvi davranışına görə Şarja nəqliyyat və yol idarəsi tərəfindən təşəkkürnamə və 3 min dirhəm (820 dollar) pul mükafatı ilə təltif olunub.
“Mən öz insanlıq borcumu yerinə yetirmişəm. Əsl müsəlman vicdanlı olmalı və doğru işlər görməlidir”.- deyə, taksi sürücüsü bildirib.
Xatırladaq ki, sürücü keçən il də İran vətəndaşının unutduğu və içində 13 min dollar pul olan portfeli sahibinə qaytarıb.
Sələf Xəbər: İslam gözəl əxlaq dinidir.
Allah taala buyurur:
“Mömin olub yaxşı işlər görən (Allaha itaət edən) kişi və qadına (dünyada və axirətdə) xoş həyat nəsib edəcək və etdikləri yaxşı əməllərə görə mükafatlarını verəcəyik. (Və ya gördükləri yaxşı işlərin əvəzində onlara daha yaxşı mükafatlarını verəcəyik!)” (əh-Nəhl: 97).Peyğəmbər (ona Allahın salavatı və salamı olsun) buyurmuşdur:
“Möminlərin ən kamil imanlısı, gözəl əxlaqa sahib olanlarıdır.” (Əbu Davud: 5/ 60/ № 4682. Tirmizi: 3/ 466/ № 1162).
