Qazaxıstan prezidenti Azərbaycana səfərə gələcək
Oktyabr 25
18:07
2017
893 dəfə baxılıb
Qazaxıstan prezidenti Nursultan Nazarbayev oktyabrın sonunda Azərbaycana səfər etməyi planlaşdırır.
Selefxeber.az xəbər verir ki, bu barədə “Report.az” diplomatik mənbələrə istinadən məlumat verir.
Məlumata əsasən, N.Nazarbayev oktyabrın 30-də Bakıda keçiriləcək Bakı-Tbilisi-Qars dəmir yolunun təntənəli açılış mərasimində iştirak edəcək.
Bakı-Tbilisi-Qars dəmir yolu Azərbaycan, Gürcüstan və Türkiyə dəmir yolu şəbəkələrini birləşdirəcək nəqliyyat dəhlizidir.
Xəbər verildiyi kimi, açılışda Türkiyə prezidenti Rəcəb Tayyib Ərdoğan və Gürcüstanın baş naziri Georgi Kvirikaşvili da iştirak edəcək.
