Somalidə törədilən partlayışda 9 nəfər ölüb, 12 nəfər xəsarət alıb
735 dəfə baxılıb
Somalinin mərkəzindəki Baydabo şəhərində törədilən partlayış nəticəsində 9 nəfər ölüb, 12 nəfər xəsarət alıb.
“Sələf Xəbər”in Apa-ya istinadən verdiyi xəbərə görə, terrorçu-kamikadze insanlarla dolu kafedə özünü partladıb.
Ölənlər arasında mətbuat nümayəndələrinin olduğu da bildirilir.
Xatırladaq ki, dekabrın 3-də terrorçu-kamikadze minalanmış avtomobili paytaxt Moqadişonun beynəlxalq hava limanı yaxınlığında BMT karvanına çırparaq partlatmışdı.
Sələf Xəbər: XX-ci əsrin nüfuzlu İslam alimi şeyx Useymin (Allah ona rəhmət etsin) deyib: “Özünü düşmənlərin arasında partlatmaq üçün partlayıcı maddəni bədəninə bağlayan insan – intihar etmişdir və o cəhənnəm odunda özünü öldürdüyü vasitə ilə əzaba məruz qalacaqdır, necə ki, bu barədə səhih hədislərdən birində deyilir. Uca Allahının “… özünüzü öldürməyin! Həqiqətən, Allah sizə qarşı Rəhmlidir”. (Qurani-Kərim, “Nisa” surəsi, 29-cu ayə), sözlərini oxuyub belə əməllər törədən insanlar buna görə təəccüb doğurur.” (Müsəlman ilahiyyatçıların müasirliyin çağırışlarına cavabları).
