Suriyada hava zərbələri nəticəsində 67 nəfər ölüb, 300-dən çox insan yaralanıb
1. 029 dəfə baxılıb
Suriya Hərbi Hava Qüvvələrinin İdlib əyalətinin Xan Şeyxun şəhərinə endirdiyi hava zərbələri nəticəsində 67 nəfər ölüb, 300-dən çox insan yaralanıb.
Selefxeber.az-ın məlumatına görə, “Report” “Haber7″yə istinadən xəbər verir ki, bu məlumatı Suriya İnsan Haqları Müşahidə Təşkilatı yayıb.
Məlumata görə, bombardmandan sonra əhali boğulub. Bəşşar Əsəd rejimi tərkibində xlor qazı olan kimyəvi silahdan istifadə edib.
Xəbərdə bildirilib ki, şəhərə 26 dəfə havadan zərbə endirilib. Bombadan zəhərlənən bir kişi, qalanı qadın və uşaq olmaqla 15 nəfər müalicə edilmək üçün təcili yardım maşınları ilə Türkiyənin Hatay bölgəsinin Reyhanlı rayonundakı xəstəxanaya yerləşdirilib.
Bəşşar Əsəd rejimi isə bombardman zamanı kimyəvi silahdan istifadə olunduğunu təkzib edib.
Sələf Xəbər: Təəssüf ki, bu gün müxtəlif növ nümayişlər, inqilablar, xaos və… haram edilmiş insan qanının tökülməsinə həsrət çəkən bir çox emosional insanlar var. Uca Allah bu vəziyyəti geniş əhatəli mənası olan ayədə belə təsvir edir: “Onlara: “Yer üzündə fəsad törətməyin!”– deyildiyi zaman: “Biz ki, ancaq xeyirxahlıq edənlərik!”– deyirlər.” (Müqəddəs Quran, “Bəqərə” surəsi, 11-ci ayə).
Orta əsrin böyük İslam alimi şeyxülislam İbn Teymiyyə (Allah ona rəhmət etsin) deyirdi: “Sünnə ardıcıllarının əksəriyyəti rəhbərlərə qarşı, hətta əgər onlar ədalətsizlik edirsə belə, üsyan etməyi və onlarla silahlı mübarizə aparmağı halal hesab etmirlər, səhih hədislər də bunu göstərir. Məsələ ondadır ki, döyüşlərin gətirib çıxaracağı fəsad və fitnənin yayılması döyüşsüz və fitnəsiz rəhbərlərin ədalətsizliyindən daha çox ziyan gətirəcəkdir. Demək olar ki, tarixə məlum olan hakimiyyət sahibinə qarşı bütün üsyanlar onlardan əvvəlki vəziyyətdən daha böyük şər ilə qayıdırdı”. (Bax “Minhəc əs-Sünnə ən-nəbəviya”, 3/390)
