ABŞ İraq ordusunu vurdu – 30 ölü, 20 yaralı
703 dəfə baxılıb
ABŞ döyüş təyyarələri İraqda hava əməliyyatı keçirib.
“Sələf Xəbər” Axar.az-a istinadən xəbər verir ki, Fəllucə vilayətində təşkil olunan hava hücumu nəticəsində səhvən İraq ordusu hədəfə alınıb. Nəticədə 30-dan çox İraq hərbçisi həlak olub, 20 nəfər yaralanıb.
İraq Məclisinin Təhlükəsizlik və Müdafiə Komitəsinin sədri Hakim Zamil faktı təsdiq edib.
“ABŞ təyyarələri Fəllucənin Əl Nami qəsəbəsinə təşkil etdiyi hava hücumu nəticəsində İraq ordusunun 55-ci briqadasının 30 əsgəri həlak olub. Baş nazir İŞİD terror xəvaric qruplaşmasına qarşı uğurlu əməliyyat keçirən bu briqadaya qarşı hücuma görə cinayət işi açmalıdır”, – komitə sədri qeyd edib.
Sələf Xəbər: Bu ədalətsiz və amansız müharibələr Qərb ölkələrində terror aktları törədən xəvariclərin hərəkətlərinin nəticəsi oldu. Bu sözdə “islam uğrunda döyüşçülər” adlandırılan kəslərdən soruşmaq istərdik ki, siz İslama hansı xeyir gətirdiniz? Qərb ölkələrinin bir neçə min günahsız vətəndaşını öldürüb, nəyə nail oldunuz?
Bu düşüncəsiz terror aktları nəticəsində, qərb ölkələri, terrorçuluqla mübarizə bəhanəsi ilə, Əfqanıstana və İraqa zorla girdilər. Müsəlmanların qanı töküldü, bir çox insanlar evlərini və daimi yaşayış yerlərini itirdi, həmin ölkələrin iqtisadiyyatı isə dağıldı.
Dünya cəmiyyəti gözündə İslam zorakılıq və qəddarlıq dini kimi təqdim edildi, insanlar saqqallı kişilərdən və hicablı qadınlardan və İslamla bağlı olan hər şeydən qorxmağa başladılar. Bu hal elə bir miqyasa çatdı ki, demək olar hər bir müsəlman bunu öz üzərində hiss edə bildi. Fəsadçı insanlardan ibarət kiçik bir qrupun milyardlıq müsəlman icmasının həyatına göstərdiyi təsir heyrətləndiricidir.
Şeyx ibn Useymin (Allah ona rəhmət etsin) deyirdi: “Bunun Allah yolunda cihad olduğunu iddia edərək bir sıra insanlar arasında partlayışlar törədənlər, əslində İslama və müsəlmanlara xeyirdən daha çox ziyan verirlər. Onlar hansı nəticələr əldə edib, sualım sizədir, qeyri-müsəlmanlar İslama daha yaxın oldularmı və yaxud onlar İslamdan daha çox uzaqlaşdılar?! İnsanın bu vahimə salan və dəhşətli qrupa aid edilməsin deyə az qala öz üzünü örtməsi məgər İslamdandır?! İslam bütün bunlardan uzaqdır, İslam bütün bunlardan uzaqdır!” (Şərhu usul ət-təfsir)
