Ər-Riyadda bina uçub-ölən və xəsarət alanlar var
728 dəfə baxılıb
Səudiyyə Ərəbistanında tikilməkdə olan konfrans mərkəzinin uçması nəticəsində azı 4 nəfər ölüb.
“Sələf Xəbər”in APA-ya istinadən verdiyi xəbərə görə, 50 nəfərin dağıntılar altında qaldığı bildirilir.
İnsident paytaxt Ər-Riyaddan şimal-qərbdə yerləşən Əl-Qasım Universitetinin ərazisində baş verib. Tikintidə işləyən fəhlələrin əksəriyyətinin pakistanlı olduğu qeyd olunur.
Sələf Xəbər: Uca Allah buyurur: “Hər kəs ölümü dadacaqdır. Biz sizi sınamaq üçün şər və xeyirlə imtahana çəkirik. Siz ancaq Bizə qaytarılacaqsınız!” (Qurani-Kərim, “Ənbiya” surəsi, 35-ci ayə).
“Ölüm bütün məxluqların nəsibidir. Bu bir piyalədir ki, onu hər kəs, hətta o, uzun ömür yaşasa da belə, içməlidir. Allah-Təala Öz qullarını yerdə xəlq etmişdir, onlara hökmlər və qadağalar nazil etdikdən sonra isə onları xeyir və şərlə, var-dövlət və yoxsulluqla, qüdrət və alçaldılma ilə, həyat və ölümlə imtahana çəkir.
Uca Allah buyurur: “Mülk əlində olan nə qədər xeyirxahdır. O hər şeyə qadirdir. Əməl baxımından hansınızın daha yaxşı olduğunuzu sınamaq üçün ölümü və həyatı yaradan Odur. O, Qüdrətlidir, Bağışlayandır!” (Qurani-Kərim, “Mülk” surəsi, 1,2-ci ayələr)
