Ərdoğan Ermənistana qaçan Fəthullahçılara sərt xəbərdarlıq etdi
761 dəfə baxılıb
“Qaçanların hamısının yaxasından tutub Türkiyəyə gətirəcəyik”.
Gürcüstandan keçməklə Ermənistana qaçan keçmiş prokurorlar Zəkəriya Öz və Cəlal Qaranın ölkəyə ekstradisiyası üçün Türkiyə höküməti addımlar atmağa başlayıb.
“Sələf Xəbər”in ANS PRESS-ə istinadən məlumatına görə, Türkiyənin Bakırköy məhkəməsi prokurorların qaytarılması üçün Xarici İşlər Nazirliyinə təqdim edilməsi üçün Ədliyyə Nazirliyinə Gürcüstan hökümətinə göndəriləcək diffuziya məktubu yollayıb.
Diffuziya məktubu əlaqəli ölkə tərəfindən digər ölkənin interpoluna göndərilən yazıdır.
Ölkədən qaçanlarla bağlı məsələyə münasibət bildirən Türkiyə Prezidenti Rəcəb Tayyib Ərdoğan “paralel dövlət” qurmaq istəyənlərdən 100 dən çox üzvünün xaricə qaçdığını söyləyib.
Ərdoğan bəyan edib ki, qaçanların hər birinin izinə düşülüb və onların hamısının yaxasından tutub ölkəyə qaytaracağıq.
“Bəziləri Gürcüstan vasitəsi ilə Ermənistana qaçırlar. Əlbəttə oradan da harasa qaçacaqlar. Biz onları interpolun qırmızı xətti ilə axtarışa verib ölkəyə qaytaracağıq. Hamısı etdikərinin hesabını verəcək” .
Xatırladaq ki, keçmiş prokrorlar Zəkəriya Öz və Cəlal Qara barələrində həbs qərarı verilməsinə bir neçə saat qalmış Gürcüstan vasitəsi ilə Ermənistana qaçıblar. Bu haqda mətbuata Artvin şəhərinin valisi Kəmal Cirit məlumat verib. Türkiyə höküməti onların gerı qaytarılması üçün Gürcüstan hökümətinə müraciət edib.
Türkiyədə İstanbulun 3 keçmiş prokuroru barəsində dövlət çevrilişinə cəhd ittihamı ilə həbs qəti-imkan tədbiri seçilib. Gülən hərəkatının üzvü olmaqda şübhəli bilinən dövlət ittihamçıları Zəkəriyyə Öz, Cəlal Kara və Məhmət Yüzgəç iddiaya görə, demokratik yolla seçilmiş höküməti devirmək məqsədilə 2013-cü ildə korrupsiya qalmaqalına səbəb olmuş, hakim AKP partiyasının rəsmilərinə yönəlik 17 dekabr və 25 dekabr əməliyyatlarını təşkil edib.
Dövlət çevrilişinə cəhd maddəsiylə ittiham olunan prokuror Zəkəriyyə Öz mayın 12-də tutduğu vəzifədən kənarlaşdırılıb. Xatırladaq ki, 2013-cü ilin dekabrın 17-də Baş prokurorluğun göstərişi ilə Türkiyə polis idarəsinin Maliyyə cinayətlərinə qarşı şöbəsinin keçirdiyi əməliyyat nəticəsində korrupsiya ittihamı ilə 47 nəfər o cümlədən, Türkiyənin Ətraf mühit və Şəhərsalma Nazirliyi, Mənzil Tikinti Nazirliyindən olan bir neçə rəsmi, türk nazirlərin bir neçə övladı saxlanılmış, həmçinin daxili işlər naziri Müəmmər Gülər və iqtisadiyat naziri Zəfər Çağlayan istintaqa cəlb olunmuşdu.
Sələf Xəbər: Xatırladaq ki, İslam bizə müsəlman rəhbərlərimizə tabe olmağı əmr edir, hətta, əgər onlar bizə qarşı ədalətsiz rəftar etsələr də. Məhəmməd Peyğəmbər (Allahın ona salavat və salamı olsun) demişdir: “Hökmdara qulaq as və tabe ol. Əgər, o sənin kürəyinə vursa və sənin əmlakını əlindən alsa belə, ona qulaq as və tabe ol”. (Müslim)
Rəhbərə müxalif olan və ona tabe olmaqdan imtina edənlər barədə isə o demişdir: “Rəhbərə tabe olmaqdan imtina edib müsəlmanlardan ayrılıb və bunun üzərində ölən kəs cahillik ölümü ilə ölmüşdür. (İslamdan öncəki çoxallahlıq dövrü)”. (Müslim)
Məhz buna görə, müsəlman rəhbərə münasibətdə istənilən müxalif fəaliyyət (istər “gizli yığıncaqlarda”, istərsə də ictima şəkildə sözlə və ya hərəkətlə) İslam dininin hökmlərinə əsasən qadağandır (haram). İslam bizə öz rəhbərlərimizin nöqsanları haqqında insanlar arasında danışmağı qadağan edir. Məhəmməd peyğəmbər (Allahın ona salavat və salamı olsun) buyurmuşdur: “Əgər kimsə sultana məsləhət vermək istəyirsə, qoy bunu xalqın qarşısında etməsin, əksinə sultanın əlindən tutaraq onunla təklikdə söhbət etsin. Əgər sultan onun məsləhətinə qulaq asarsa yaxşı, yox etməsə, o artıq öz vəzifəsini yerinə yetirmişdir”. (Əhməd, şeyx əl-Albani hədisi “səhih” kimi təsnifatlaşdırıb.)
