Kəbəyə yağan yağış – FOTO, VİDEO
1. 533 dəfə baxılıb
Məscidul-Hərama çatmağa çalışan minlərlə insan yağış zamanı Kəbə ətrafındakı iş mərkəzlərinə sığınıblar.
Səudiyyə Ərəbistanının Məkkə şəhərində axşam namazından sonra başlayan qısa müddətli yağış hacı olmağa namizəd şəxsləri çaşdırıb.
“Sələf Xəbər”in ANS PRESS-ə istinadən məlumatına görə, dünyanın müxtəlif ölkələrindən yüz minlərlə hacı olmaq istəyən insanlara ev sahibliyi edən və havanın temperaturunun 30 dərəcəni ötdüyü Məkkədə buna nadir hallarda rast gəlmək olar. Yağış axşam namazından sonra yağmağa başlayıb. Yağışın qısa müddətli yağmasına baxmayaq, bu, hacı namizədlər üçün əsl sürpriz olub.
Məscidul-Hərama çatmağa çalışan minlərlə hacı namizəd, təxminən 10 dəqiqə davam edən yağışda Kəbə ətrafındakı iş mərkəzlərində sığınıblar.
Yağışdan sonra havanın istiliyinin 29 dərəcəyə düşməsinə baxmayaraq, Kəbədə sıxlıq artıb. İzdiham səbəbindən axşam namazından sonra Kəbəyə girişə bir müddət icazə verilməyib.
Əlavə olaraq deyək ki, artıq Kəbədə daha geniş ərazilərdə insanların rahat dövrə vurması üçün işlərin tamamlandığı bildirilir. Bu barədə Məscidul-Həram və Məscidul-Nəbəvinin işlərinə nəzarət edən Məhəmməd ibin Nasir əl-Huzaym danışıb. Onun sözlərinə əsasən, genişlənmə işlərinin üçüncü və son mərhələsinin tamamlandığını bildirilir.
Huzaym onu da vurğulayıb ki, Allahın evi (Kəbə), asan və rahat bir şəkildə həcc ibadətlərini yerinə yetirmələri üçün qonaqlarını qəbul etməyə hazırdır.
Analoji hal 2012-ci ildə də müşayiət olunub. O zaman da hacılar yağış altında qalıblar.
Sələf Xəbər: Uca Allah buyurur: “Həqiqətən, aləmlərdən ötrü bərəkət və doğru yolu göstərən rəhbər kimi insanlar üçün ilk qurulan ev Bəkkədədir. Orada aydın nişanələr – İbrahimin məqamı vardır. Oraya daxil olanın təhlükəsizliyi təmin olunar. Evi (Kəbəni) ziyarət etmək insanların – yoluna gücü çatan hər kəsin – Allah qarşısında borcudur”. (Qurani-Kərim, “Ali İmran” surəsi, 96,97-ci ayələr)
Uca Allah, həmçinin buyurur: “Göydən sizin üzərinizə yağmur endirmişdik ki, onunla sizi təmizləsin”. (Qurani-Kərim, “Ənfal” surəsi, 11-ci ayə)
İmam İbn Qudama (Alla ona rəhm etsin) demişdir: “Ərimiş qar və dolu suyu – təmiz və təmizləyicidir, çünki o göydən enir, həmçinin Peyğəmbərin (Allahın ona salavat və salamı olsun) sözləri də buna işarətdir: “Ey Allahım! Mənim günahlarımı qar, su və dolu ilə yu”. (“al-Mugni”, 1/47)
