Mərakeşdə İŞİD-lə əlaqəli terror qruplaşması zərərsizləşdirilib
637 dəfə baxılıb
Mərakeş təhlükəsizlik orqanları ölkənin müxtəlif şəhərlərində xüsusi əməliyyat keçirib. Nəticədə İŞİD terror xəvaric qruplaşması ilə əlaqəli olan 9 nəfərdən ibarət terrorçu zərərsizləşdirilib.
“Sələf Xəbər” AZƏRTAC-a istinadən bildirir ki, Daxili İşlər Nazirliyinin məlumatına görə, İŞİD terror xəvaric qruplaşmasının Liviya qanadı ilə əlaqəli olan 9 nəfər Mərakeş Krallığı ərazisində terror aktları hazırlayırlarmış. Bu məqsədlə onların Liviyadakı təlim düşərgələrinə getmək planı olub.
Sələf Xəbər: XX əsrin məşhur İslam alimi ibn Useymin (Allah ona rəhmət etsin) deyib: “Şübhə yoxdur ki, ağıl sahibi olan heç kəs, xüsusilə, dindarlar, belə işlərdən (terror aktları) məmnun ola bilməz, bir halda ki, bu Qurana və Sünnəyə ziddir. Bunda İslam üçün həm daxildən, həm də xaricdən ziyan vardır. Bu böyük cinayətdir, lakin, ədalətsizlər müvəffəqiyyət qazanmayacaqlar. Tezliklə, Allahın izni ilə, onlar öz əməllərinin qarşılığını bütünlüklə alacaqlar. Elm tələbələrinin bu yolun, xəvariclərin yolunun iyrənc yol olduğunu insanlara izah etmələri mütləqdir”. (“Fatava əş-şariyyə fi kadayyə əl-asriyyə”, 47)
