Türkiyə ərazisi Suriyadan raket atəşinə tutulub – ölən və yaralananlar var
703 dəfə baxılıb
Türkiyənin Kilis şəhərinin yenidən Suriya ərazisindən raket atəşinə tutulması nəticəsində 2 nəfər ölüb, 4 nəfər yaralanıb.
“Sələf Xəbər”in APA-ya istinadən verdiyi məlumata görə, hadisə nəticəsində yaralanıb xəstəxanaya çatdırılan 2 nəfər həkimlərin səylərinə baxmayaraq həyatlarını itiriblər.
Xəstəxanada 4 yaralının müalicəsi davam edir.
Məlumata görə, üç mərmi Kilis şəhərinin mərkəzinə düşüb.
Xatırladaq ki, aprelin 18-də Kilis İŞİD terror xəvaric qruplaşmasının Suriyada nəzarət etdiyi Bap bölgəsindən raket atəşinə tutulmuşdu, 3 nəfər ölmüş, 9 nəfər yaralanmışdı.
Sələf Xəbər: XX əsrin görkəmli İslam alimi Əbdüləziz bin Bəz (Allah ona rəhmət etsin) deyib: “Şübhə yoxdur ki, bu terror aktlarını törədənlər Allaha və Qiyamət gününə iman etməyənlərdir. Allaha və Qiyamət gününə həqiqi iman etmiş kəslər arasında küllü ziyan və böyük fəsad gətirən belə iyrənc cinayət törədənləri tapmazsan. Belə əməlləri yalnız qəzəb, nifrət, paxıllıq və azarla dolub-daşan eyibli qəlb sahibi, qəlbində Allaha və Onun elçisinə (Allahın ona salavat və salamı olsun) həqiqi iman olmayan kəslər edə bilər!” (“Fətava ibn Baz”, 7/120)
