Ufada “Müslim city” tikiləcək
729 dəfə baxılıb
Başqırdıstanın paytaxtı Ufa şəhərində ” Müslim city” (Müsəlman şəhəri) yaşayış kompleksi, eləcə də halal otel inşa edilməsi nəzərdə tutulub. 20 hektarlıq sahəni əhatə edəcək yaşayış kompleksinin Ufada yerləşən Cümə məscidinin yaxınlığında tikilməsi planlaşdırılır.
Layihəyə əsasən, yaşayış kompleksi 4-16 mərtəbəli yaşayış evlərindən, inzibati və ofis binalarından, halal otel, uşaq bağçası və idman meydançaları olan parkdan ibarət olacaq.
Layihənin həyata keçməsi üçün yeganə maneə kompleksin inşası üçün nəzərdə tutlan sahədə kiçik mərtəbəli evlərin arasında mədəni-irsi obyektlərin yerləşməsidir. Lakin layihə müəllifləri tarixi və mədəni əhəmmiyyətə malik bu obyektləri restavrasiya edərək kompleksin tərkibinə daxil etməyi duşunurlər.
Mənbə: İslam Today.
