5 vaxt namazın görmə qabiliyyətinə təsiri
1. 021 dəfə baxılıb
“Sələf Xəbər” “Watan.com”-a istinadən 5 vaxt namazın insanın görmə qabiliyyətinə necə müsbət təsir etdiyini diqqətinizə çatdırır.
Müsəlmanlar bir qayda olaraq söz və əməllərində Məhəmməd peyğəmbərin (Allahın ona salavat və salamı olsun) buyurduqlarını etməklə onun sünnəsinə bacardıqca çox riayət etməyə çalışırlar.
Bu sünnələrdən biri də namaz zamanı səcdədə alnımızın toxunduğu yerə nəzərin cəmlənməsidir.
Namaz əsnasında ibadət edən şəxsin ayaqdaykən və səcdə etdiyi zaman alının yerə toxunduğu nöqtəyə baxdığı məsafə bir neçə dəfə dəyişir. Bunun nəticəsində də göz büllurunun qabarıqlığı və eyni zamanda şüanı sındırma qabiliyyəti artmış olur. Eləcə də gözdaxili təzyiqin sabitləşməsi də baş verir. Bu da insanın gözünün daha funksional və sağlam olmasına səbəb olur.
Beləliklə, namaz qılan şəxs Peyğəmbərin (Allahın ona salavat və salamı olsun) sünnəsinə müvafiq olaraq dəfələrlə etdiyi bu “məşq” sayəsində müxtəlif göz xəstəliklərindən qorunaraq görmə qabiliyyətini daha da yaxşılaşdırır.
Sələf Xəbər: Uca Allah buyurur: “Sizin üçün qulaq, göz və ürəklər yaradan Odur. Siz çox az şükür edirsiniz”. (Qurani-Kərim, “Muminun” surəsi, 78-ci ayə)
“Uca Allah qullarına onlara əta etdiyi nemətləri haqqında xəbər verərək, onların insanları Allaha minnətdarlıq etməyə və Onun qarşısında vəzifələrini qüsursuz yerinə yetirməyə həvəs oyatdığını bildirir. Allah insanlara eşitmə qabiliyyəti vermişdir ki, onlar səsləri eşidib, bundan öz dini və dünyəvi həyatı üçün fayda əldə etsinlər. O, insanlara, həmçinin görmə qabiliyyəti əta etmişdir ki, onlar ətraf aləmi görə bilsinlər və bunu öz mənafeləri üçün istifadə edə bilsinlər. O, insanları həmçinin ürək və ağılla təchiz etmişdir ki, onların sayəsində insan ətrafında gedən prosesləri dərk edir. Doğrudanmı sizə bu nemətləri Ətaedənə minnətdarlıq bildirməzsiniz? Doğrudanmı siz təkcə tək Ona ibadət və itaət etməyəcəksiniz? Sizin təşəkkürünüz Allahın sizə fasiləsiz olaraq əta etdiyi bol-bol nemətlərlə müqayisədə necə də azdır!” (Bax: “Təfsir Əs-Saadi”)
