Alimlər pilləkənləri liftsiz qalxmağı təklif edir
864 dəfə baxılıb
Tədqiqatçılar müəyyən ediblər ki, pilləkənlərlə qalxmaq beynin qocalması prosesini ləngidir.
Fiziki fəallığın bu növündən imtina etmək olmaz. Arabir liftə minməyib, piyada qalxmaq daha yaxşı olardı. Kanada alimləri 19-79 yaş arasında 330 könüllüyə bir neçə mərtəbəni pilləkənlə qalxmağı təklif ediblər. Eksperiment çərçivəsində könüllülərin baş beyni MRT aparatında müayinə edilib və alimlər boz maddənin həcmini ölçüblər.
“Sələf Xəbər”in Milli.Az-a istinadən xəbərinə görə, məlum olub ki, insanlar nə qədər çox piyada gəzib və pilləkənlə qalxıblarsa, baş beyin qocalıqdan bir o qədər çox qorunub.
Ona görə də alimlər sinir sisteminin cavan qalması üçün daha çox hərəkət etməyi məsləhət görürlər. İstər yüyürmək, istərsə də fitnes zalında idmanla məşğul olmaq bu işdə yetərlidir. Hətta təmiz havada gəzinti də orqanizmə böyük kömək edər.
Sələf Xəbər: Peyğəmbər (Allahın ona salavat və salamı olsun) buyurmuşdur: “İki nemət vardır ki, insanların çoxu bunda aldanmışdır. Qiymətini bildikləri halda onlardan istifadə etməkdən, faydalanmaqdan məhrum qalmışdır. Bu iki mühim nemət – sağlamlıq və boş vaxtdır”. (Buxari, Riqaq, 1, 60; Tirmizi, Zühd, 1; İbn Məcə, Zühd, 15; Əhməd ibn Hənbəl, Müsnəd, I, 344)
