Bu məhsulları yeyən insanlar qurdlardan xilas olur
1. 421 dəfə baxılıb
Ümumdünya Səhiyyə Təşkilatının məlumatlarına görə, dünyada yaşayan insanların bir çox hissəsi müxtəlif parazitar (qurd) xəstəliklərindən əziyyət çəkir.
“Sələf Xəbər” Milli.Az-a istinadən bildirir ki, bu xəstəliklər özünü müxtəlif simptomlarla büruzə verir ki, bu da tez-tez səhv diaqnozların qoyulmasına səbəb olur.
Qurdlar orqanizmdə intoksikasiyaya (zəhərlənmə) səbəb olur, bir çox orqan və sistemlərin fəliyyətini pozur, immun sistemini zəiflədir. Qurdlar istənilən orqanda (qaraciyərdə, ürəkdə, gözlərdə və s.) “məskunlaşaraq” bu orqanda ciddi pozulmalara səbəb ola bilər, ağır hallarda bağırsaqların keçilməzliyinə, hətta bağırsaqların yırtılmasına və daxili qanaxmaya gətirib çıxarda bilər.
Qurdlara yoluxmaq çox asandır. Lakin xoşbəxtlikdən, qidalanmamızda olan bəzi adi məhsullar güclü qurd əleyhinə təsirə malikdir və bu məhsulları daim qəbul edən insan orqanizmini qurdlardan təmizləyə bilər.
Bu məhsullar arasında
– Soğan (xüsusilə yaşıl və qırmızı soğan) və sarımsaq. Çiy halda olan soğan və sarımsaq güclü təbii qurd əleyhinə “preparat”dır. Bu məhsulları hər gün qidalanmaya daxil etmək lazımdır.
– Balqabaq tumları. Bu da çox tanınmış təbii qurdqovucu vasitədir. Hər gün 1 ovuc balqabaq tumları yeyin. Bu həm yaxşı müalicəvi, həm də profilaktik vasitədir.
– Ananas. Bromelayn fermenti ilə zəngin olan ananas parazitləri öldürür.
– Nar. Çox yaxşı qurd əleyhinə vasitədir. Sezonda hər gün 1 nar yemək lazımdır.
– Qıtığotu kökü güclü iltihab və qurd əleyhinə təsirə malikdir. Qıtığotu kökünü ət və balıq xörəklərə, suplara əlavə etmək olar.
– Acı istiot. Bu da tanınmış qurd əleyhinə vasitədir.
– Tərxun, reyhan orqanizmə iltihab və qurdəleyhinə təsir göstərir.
– Badam qurd əleyhinə təsir edir, parazitlərin inkişafının qarşısını alır. Hər gün 1 ovuc badam yemək lazımdır.
– Bir çox ədviyyatlar (sarıkök, zəncəfil, darçın, sumax, istiot) qurd əleyhinə təsirə malikdir. Bu ədviyyatları xörəklərə tez-tez əlavə edin.
Sələf Xəbər: Uca Allah buyurur: “(O mərhəmətli) Allah ki, göyləri və yeri yaratdı, göydən su endirib onunla sizin üçün (növbənöv) məhsullardan ruzi yetişdirdi, əmri ilə dənizdə üzmək üçün gəmiləri sizin ixtiyarınıza verdi və çayları sizə ram etdi; (Müəyyən edilmiş yolla) daim hərəkət edən günəşi və ayı sizə tabe etdi; gecəni və gündüzü sizə ram etdi. O sizə istədiyiniz hər şeydən vermişdir. Əgər Allahın nemətlərini sayacaq olsanız, onları sayıb qurtara bilməzsiniz. Həqiqətən, insan çox zalım, çox nankordur”. (Qurani-Kərim, “İbrahim” surəsi, 32-34-cü ayələr)
“Uca Allah ayədə bildirir ki, O, göylərin və yerin əhatəolunmaz ölçülərinə baxmayaraq, onların Vahid Xaliqidir. O, buludları yağış yağdırmağa məcbur edir və bunun sayəsində yer üzündə çeşidli bitkilər bitir. Bu bitkilər insanlar üçün yemək, ev heyvanları üçün isə yem kimi istifadə edilir. Allah insanlara gəmi düzəltməyi öyrətmiş, buna görə onlara güc və bacarıq bəxş etmişdir. O, gəmiləri dənizdə üzməyə məcbur edir ki, insanlar dəniz səyahətlərinə çıxa və uzaq ölkələrə ticarət yükləri və digər ağır yüklər apara bilsinlər. O, çayları yer üzərində axmağa məcbur edir ki, insanlar öz əkin sahələrini suvarsınlar, heyvanlarını sulaya bilsinlər və öz susuzluqlarını aradan qaldırmağı təmin etsinlər.
Uca Allah insanlara onların arzuladıqları və ehtiyac duyduqları hər şeyi vermişdir. O, onlara öz dilləri ilə xahiş etdikləri və ya şəraitin tələbi ilə nemətlər vermişdir. O, onlara müxtəlif və bol-bol hədiyyələr, çeşidli məmulatlar və digər nemətlər əta etmişdir. Əgər insanlar Rəbbinin onlara bəxş etdiyi nemətləri saymağa cəhd göstərsələr, bunu edə bilməzlər. Buna görə də onlar Allahın onlara bəxş etdiyi nemətlərə görə əvəz kimi minnətdarlıq edə bilməzlər. Həqiqətən, insan öz təbiəti etibarı ilə zalım və nankordur.
O, həmçinin insanları Ona dua ilə müraciət etməyə, gecə-gündüz Ondan xahiş etməyə dəvət edir, çünki insanlar Onun nemətlərindən fasiləsiz olaraq zövq alırlar”. (Bax: “Təfsir Əs-Saadi”)
