Damarları təmizləyən qidalar – FOTO
5. 545 dəfə baxılıb
Düzgün olmayan qidalanma nəticəsində qan damarlarında kifayət qədər ciddi problemlər yaranaraq müxtəlif damar xəstəliklərinə səbəb olur.
“Sələf Xəbər” Cnnturk.com-a istinadən damarları təmizləyən qidaları sizə təqdim edir:
1. Yaşıl çay
Yaşıl çay damarlar üçün zərərli olan oksidativ stresi azaldır və damarları təmizləyir. Tərkibindəki antioksidantlar qandakı xolesterolu azaldır və ürəyi qoruyur.
2. Açai üzümü
Cənubi Amerikanın yaşıl meşələrində bitən bu giləmeyvə xolesterolu azaldaraq qanın damarlarda hərəkətini tənzimləyir, qan-damar sistemi və ürək üçün faydalı hesab olunur.
3. Darçın
Antioksidant mənbəyi olan darçın qandakı şəkəri salaraq damarları qoruyur. Gündə 1 çay qaşığı toz darçın qəbul etmək qandakı yağları 26%-ə qədər azaldır.
4. Badam
E vitamini, doymamış yağlar və liflərlə zəngin olan badam tərkibindəki antioksidantlar sayəsində damarları təmizləmək xüsusiyyətinə malikdir.
5. Sarıkök
Sarıkök damarları təmizləməkçün ən faydalı ədviyyat hesab olunur. Həmçinin, damarlarda zərərli yağların toplanmasına da mane olur.
6. Quşqonmaz (qulançar)
Quşqonmaz damarlardakı gərilməni azaldaraq qanın axışını sürətləndirir. Eləcə də damarların tıxanmasının qarşısını aldığı məlumdur.
7. Yulaf
Yulaf xolesterolun miqdarını azaldaraq damarları təmizləyən ən yaxşı qidalardan biridir. Yeməklərimizə bir miqdar yulaf əlavə etmək damarlardakı tıxanmanın qarşısını alacaq.
8. Zeytun yağı
Aralıq dənizi sahili ölkələrində ürək xəstəliyinə tutulma hallarının az olması əhalinin zeytun yağından mütəmadi istifadə etməsinə görədir. Tərkibindəki antioksidant həm yüksək təzyiqi salır, həm də xərçəngin əmələ gəlməsinin qarşısını alır.
9.Brokkoli
K vitamini və lif baxımından zəngin olan brokoli də xolesterolu və təzyiqi salır. K vitamini damarlardakı kalsium səviyyəsinin miqdarını tənzimləyir.
10. Nar
Narın tərkibindəki antioksidantlar sayəsində qanın damarlarda keçiliciyi sürətlənir və damarların tıxanmasının qarşısı alınır.
Sələf Xəbər: Uca Allah buyurur: “(Ey insanlar!) Məgər Allahın göylərdə və yerdə olanları (günəşi, ayı, ulduzları və buludları, meyvələri, bitkiləri, dənizləri, çayları və gölləri) sizə ram etdiyini (sizin istifadənizə verdiyini), aşkar (görmə, eşitmə, sağlamlıq) və gizli (əql, şüur, fəhm, elm və i. a.) nemətləri sizə bolluca ehsan etdiyini görmürsünüzmü?” (Qurani-Kərim, “Loğman” surəsi, 20-ci ayə)
