“Donuz qripi”ndən sonra sürətlə yayılan yeni virus
803 dəfə baxılıb
Qüsurlu doğumlara səbəb olan Zika virusu Latın Amerikası və ABŞ-dan sonra Avropaya da keçib.
“Sələf Xəbər” Milli.az-a istinadən xəbər verir ki, Danimarkada artıq bir xəstədə virus aşkarlanıb. Həmin şəxsin isə virusun aşkarlandığı Cənubi və Şimali Amerikaya səyahət etdiyi məlum olub. Bundan başqa, İngiltərədə 3 nəfər, İsveçrədə isə 2 nəfərdə virus aşkar edilib.
Zika virusu nədir?
Ağcaqanadlar yolu ilə keçən Zika virusu yeni doğulan uşaqlarda beyin zədələnməsinə səbəb olur. Beləliklə, virus ağcaqanad vasitəsilə xəstə insandan sağlam insana keçir.
İlkin əlamətləri
Qrip şəklində özünü biruzə verən xəstəlik halsızlıq, qusma, qızdırma, dəridə, gözdə qızartıya səbəb olur.
Hamilə qadınlar Zika virusuna yoluxduğu təqdirdə şikəst uşaqların doğulmasına yol aça bilər. Uşaqlarda beyin deformasiyasına səbəb olan virus Braziliyada 4 min uşağın anormal başla doğulmasına gətirib çıxarıb. Mikrosefaliya, yəni baş çevrəsinin anormal kiçikliyi isə müayinə ilə düzəlmir.
Virusun müalicəsi
Zika virusunu araşdıran amerikalı alimlər ona qarşı peyvəndin ancaq 10 il sonra tapılacağını bildiriblər.
Dünya Səhiyyə Təşkilatının regional bölməsi olan Pan Amerika Səhiyyə Təşkilatı xəstəliyin 22 ölkədə, xüsusən də Cənubi Amerikada yayıldığını bəyan edib.
ABŞ Prezidenti Barak Obama virusun yayılması ilə əlaqədar Amerika xalqının sağlamlığını təmin etmək üçün təcili toplantı keçirib.
Sələf Xəbər: Peyğəmbər (Allahın ona salavat və salamı olsun) buyurmuşdur: “Bir yerdə vəba olduğunu eşitdiyiniz zaman o yerə, xəstəliyin yanına getməyin. Olduğunuz yerdə vəba aşkar edildikdə də vəbadan qaçaraq o yerdən çıxmayın”. (Bu hədisi Müslim, Əbu Davud, Tirmizi, Nəsəi, İbn Macə və Əhməd öz kitablarında vermişlər.)
