Gicitkən bütün xəstəliklərin dərmanıdır
2. 765 dəfə baxılıb
Fizuli Hüseynov: “Gicitkənin tərkibi bir Mendeleyev cədvəlidir”.
Baharda təbiət canlanır, min bir dərdin dərmanı olan bitkilər də torpaqdan başlarını çıxarmağa başlayırlar. Biz oxuculara gicitkəndən danışmaq istəyirik. Dalamağı ilə bizi əsəbləşdirən gicitkən əslində çox faydalı bir bitki olduğu üçün, onu adamların dostu da adlandıra bilərik. Təzə gicitkənin faydaları onun qurusundan çox olduğu üçün, sizə təzə gicitkən mövsümünü qaçırmamağı tövsiyə edirik.
“Sələf Xəbər”in Sputnik.az-a istinadən məlumatına görə, bitkilər üzrə mütəxəssis Fizuli Hüseynov deyir ki, gicitkənin tərkibi bir Mendeleyev cədvəlidir, sanki bütün vitamin və minerallar bu bitkinin içinə qoyulub.
“İndi yaz gəlir insan orqanizmi qışdan çıxanda bədəndə vitamin-mineral əksikliyi əmələ gəlir, əsasən də uşaqlarda. Deməli, əlinizə rezin əlcək geyinib gicitkəni dərin suda yuyun və qayçi ilə doğrayıb bir stəkanın yarsına qədər tökün, üstünə su əlavə edib blenderlə qarışdırın, təzə gicitkən şirəniz hazırdır. Bu şirədən gündə 2 stəkan, yeməkdən əvvəl 1 stəkan için. Bu, insan bədənində çatmayan bütün vitaminləri və mineralların yerini dolduracaqdır. Əsasən də dəmirlə zəngindir, anemiyalı xəstələr sizin üçün çox faydalıdır”. — deyə mütəxəssis bildirir.
Onun sözlərinə görə, təzə gicitkən şirəsi damarlarda oksigenin miqdarını artırır və toxumaların qidalanmasını yaxşılaşdırır, qəbizliyi aradan götürür, böyrəklərin daş və qumlarını təmizləyir. Təzə gicitkən şirəsi dərini təravətləndirir, immuniteti artırır, Bundan başqa təzə gicitkəndə zəngin K vitamini vardır. Bu vitamin təzə qan yaradır və sümük iliyində problemlər olanlar üçün faydalıdır. Təzə gicitkəni dərin, süpürgə kimi düzəldin, belinizi təzə gicitkənlə döydürün. Revmatizmdə, bel ağrılarında və orqanizmi qüvvətləndirmək üçün çox faydalıdır. Təzə gicitkəni ət maşınından keçirin, tökülmüş saçların yerinə lopa kimi qoyun, yeni tük gətirəcək, olan saçlarınızı qalınlaşdıracaq. Bunu zob üzərinə qoyanda düyünlər kiçilir. Daban mahmızı üzərinə qoyanda mahmız kiçilir, bu oynaqların duzlaşmasında oynaq üzərinə də qoyulur. Podaqra üzərinə istifadə etdikdə şiş kiçilir. Eyni zamanda dəmirov və ekzemanı əhəmiyyətli dərəcədə azaldır.
Təzə gicitkən şirəsini 10 gün içib 1 həftə fasilə vermək lazımdır, çünki qanı qatılaşdıra bilər.
