İsti hava beyin qanaması riskini artıra bilir
807 dəfə baxılıb
Beyin qanamaları hər yaşda müşahidə olunur. Xüsusilə də isti havalarda beyin qanamaları riski artır.
“Sələf Xəbər”in “Qafqazinfo”ya istinadən məlumatına görə, yayda meydana gələn tərləmə və su itkisi, mühitdə artmış olan nəm nisbəti ilə birləşəndə, bədəndə ifraz olunan bəzi hormonlar, təzyiqdə düşmə və yüksəlməyə səbəb olur.
Təzyiq oynamalar əsnasında, maye itkisinə səbəb olur və damarlar içərisindəki qan azalmağa başlayır. Bunun nəticəsində isə tıxanma yaranır. Əgər bu vəziyyət beyində reallaşarsa, beyin qanaması, iflic və ya ürək damarlarında tıxanma ilə nəticələnə bilər.
Beyin qanamalarına qarşı lazım olan tədbirlər:
- Artıq çəkidən xilas olun.
- Nizamlı şəkildə idman edin.
- Stressdən mümkün qədər uzaq durun.
- Siqareti tərgidin.
- Təzyiq və ürək dərmanlarınızı vaxtında və tam qəbul edin.
- 11:00-16:00 saatları arasında məcbur qalmadıqca günəşə çıxmayın.
- Bol maye qəbul edin, sulu meyvələr yeyin və gündə 2 ədədən artıq olmamaq şərtilə təbii mineral su için.
Sələf Xəbər: İnsanları, sağlamlıq nemətinin qədrini bilməyə çağıraraq hədislərin birində Peyğəmbərimiz (Allahın ona salavat və salamı olsun) buyurmuşdur: “İki nemət vardır ki, insanların çoxu onların qədrini bilməz. Bunlar səhhət və asudə vaxtdır”. (Buxari)
Məhəmməd peyğəmbər (Allahın ona salavat və salamı olsun) insan sağlamlığına böyük əhəmiyyət vermiş və bizə öz həyatından misal olaraq sağlam həyat tərzinin qaydalarını göstərmişdir. Hədislərə müraciət etsək görərik ki, sağlamlığa ziyan verə biləcək qida və içkilərin qəbulu dinimizdə qadağan edilmiş, səhhətimizi möhkəmləndirəcək, xəstəliklərimizə dərman olacaq faydalı qida və içkilər isə hətta adları və istifadə qaydası ilə birlikdə çatdırılmışdır.
