Keyfiyyətli yuxunun önəmi
905 dəfə baxılıb
Bir çox həkimlər normal yuxu vaxtının 6-8 saat arası olduğunu bildirirlər. Bundan az, ya da çox yatan insanların sağlamlığında, psixoloji vəziyyətində problemlər yaranır və sinir sistemi pozulur.
“Sələf Xəbər” Atv.az-a istinadən məlumat verir ki, göstərilmiş yuxu saatından daha az yatan insanlarda depressiyaya, piylənməyə və diabetə meyillilik artır.
Yuxusuzluğun qarşısıalınmaz problemlərə yol aça biləcəyini deyən həkimlər, “Yuxu çox önəmlidir. İki gün ard-arda yuxusuz qalmaq ölümə bərabərdir. İki-üç gün yuxusuz qalmaq psixoloji problemlərlə, hətta ölümlə nəticələnə bilər”, – deyə bildirirlər.
Az yatmaq kimi, çox yatmağın da orqanizmə ziyanı var. Yuxu 10-12 saatdan sonra insanı rahatlaşdırmır.
Yuxunun müddəti qədər keyfiyyəti də önəmlidir. Yaxşı yata bilmək üçün yataq təmizliyinə fikir verin. Xüsusilə axşam saatlarından sonra çay, qəhvə, enerjiverici içkilər qəbul etməyin. Yuxunuz gələn zaman ona qarşı dirənməyin, yatın. Bundan başqa yataq otağında televizor olmalı deyil. Yatmazdan əvvəl dərin fəlsəfi kitaplar oxumayın. Yuxunuzu qaçıracaq əşyaları yataq otağında saxlamayın.
Mümkün qədər düz və rahat yataqda və qaranlıq otaqda yatmağın keyfiyyətli yuxu üçün vacib olduğunu unutmayın.
Sələf Xəbər: Uca Allah buyurur: “Sizin üçün gecəni örtük, yuxunu rahatlıq, gündüzü də canlanma vaxtı edən Odur”. (Qurani-Kərim, “Furqan”, 47-ci ayə)
“Uca Allah Öz xeyirxahlığı və mərhəməti sayəsində gecəni sizin üçün örtü etmişdir. Gecə qaranlığı sizi hər tərəfdən əhatə edir və sizə təhlükəsiz bir yerdə sığınmağa və rahat yuxuya dalmağa imkan verir. Siz yuxuya gedir və gündüzün vurnuxmalarından qurtarıb istirahət edirsiniz və əgər Allah gecəni yaratmasaydı, onda siz tam rahatlıq əldə edə bilməzdiniz. Fasiləsiz çalışmağınızın sizə çoxlu zərər vurmasına baxmayaraq, siz işləməkdə davam edərdiniz. Həm də, əgər gecə həmişəlik davam etsəydi, onda siz dünyəvi və Axirət həyatınız naminə mükəmməl işləyə bilməzdiniz və buna görə də Allah-Təala sizin üçün gündüzü yaratmışdır. Günün gündüz çağında siz canlanırsınız və yer üzünə yayılaraq Allahın nemətlərini axtarırsınız. Sizdən kimisi ticarətlə məşğul olur, kimisi də uzaq ölkələrə səfərə çıxır, digərləri – müxtəlif peşələrlə və işlərlə məşğul olurlar ki, öz ehtiyaclarını və tələbatlarını ödəyə bilsinlər”. (Bax: “Təfsir Əs-Saadi”)
