Mixək qorxunu azaldır, qüvvəni bərpa edir – məsləhətlər
1. 652 dəfə baxılıb
Bəzən xırda məsləhətlər insanın böyük problemlərini aradan qaldırmağa səbəb olur.
“Sələf Xəbər” Milli.az-a istinadən xanımların sağlamlığına kömək olacaq məsləhətləri təqdim edir:
7 dərdin dərmanı balzam
Həyat enerjisini, iş qabiliyyətini yüksəltmək, yaz yorğunluğuna tutulmamaq, xroniki ürək-damar xəstəliklərinin qarşısını almaq üçün ev şəraitində vitaminli balzam hazırlayın:
Resept: 10 baş sarımsağın şirəsini çıxarıb, 1 kq. bal və 10 ədəd limonun şirəsi ilə qarışdırın. Məcunu soyuducuda saxlayın. Hər gün axşamlar, yeməkdən sonra 1 xörək qaşığı qəbul edin.
Sarımsaq yağı
Xalq təbabətində sarımsaq yağından geniş istifadə olunur. Bu xeyirli məhsul skleroz, ürək-damar xəstəlikləri, əzələ ağrıları spazmı və beyin damarlarının açılmasında geniş istifadə olunur. Onu aptekdən almaq əvəzinə, evdə özünüz də hazırlaya bilərsiniz. Orta ölçülü 4-5 sarımsağı təmizləyib, sıyıq halına düşənə kimi əzin. Şüşə qaba qoyub, üzərinə 1 stəkan süzülməmiş (təmizlənməmiş) bitki yağı əlavə edib qarışdırın. Yağı soyuducunun aşağı gözündə saxlayın. Bir gün sonra ondan istifadə edə bilərsiniz.
İstifadə qaydası: 1 xörək qaşığı limon şirəsinin üzərinə 1 çay qaşığı sarımsaq yağı töküb, qarışdırın. Və bunu hər gün yeməkdən yarım saat əvvəl qəbul edin. Bir kurs müalicə 1-3 aydır. Sonra 2 ay fasilə verib, yenidən təkrarlamaq olar.
Mixəkdən enerji al
Əgər yorğunsunuzsa, enerjiniz tükənibsə, qanınız qaralıbsa, o zaman mixəyin qeyri-adi gücündən istifadə edin. Vacib bir işə getməmişdən əvvəl yanaqlarınıza bir neçə mixək qoyun. Mixək qorxu, həyəcan hissini azaldıb, qüvvəni bərpa etməyə səbəb olar, yaddaşı gücləndirər, ağrı-acını yaddan çıxartmaqda kömək edər, əsəb gərginliyini aradan qaldırar. Bundan əlavə, sizin qara fikir və baxışlardan xilas olmağınıza səbəb olacaq.
Sələf Xəbər: Uca Allah buyurur: “Yerin bitirdiklərindən, insanların özlərindən və bilmədiklərindən bütün cütləri yaradan (Allah) pakdır, müqəddəsdir”. (Qurani-Kərim, “Ya sin” surəsi, 36-cı ayə)
