Sələf Xəbər

Nəyə görə xərçəng oluruq? Yəqin ki, bu sualı hər biriniz mütəxəssislərə, bu xəstəlikdən anlayışı olan şəxslərə vermisiniz.

Bu yazını oxuduqdan sonra məhz bu sualın cavabını daha yaxşı anlayacaqsınız. Qeyd edək ki, mənbə kriminal psixiatriya və klinik psixologiya mütəxəssisi Dr. Cozef Erdemdir.

Həyatında həmişə şəkər oldu. Çayı, qəhvəni şəkərsiz içmədin. Səhər yeməyinə mürəbbəli və kremli şirniyyatlarsız oturmadın. Ağ düyü və çörəyin də şəkər olduğunu unutdun. Tərkibində yüksək miqdarda fruktoza olan meyvələri kiloyla yedin. İçində qlukoza və aspartam olan qidalar qəbul etdin. Kolanın və qazlı içkilərin şəkər və zəhər qarışığı olduğunu bilə-bilə içdin. Əvvəl insulin 0müqavimətin başladı, sonra şəkər xəstəsinə çevrildin, 150 kilo oldun, amma ayılmadın.

Tərkibində palma, günəbaxan, qarğıdalı, marqarin və müxtəlif heyvan mənşəli yağlar olan qidalardan istifadə etdin. Kərə yağı və zeytun yağı qəbul etmədin ki, orqanlarından biri sıradan çıxana qədər bu yağları yedin.

Qablaşdırılmış hazır maye və qatı halda olan bütün məhsullardakı qoruyucu kimyəvi maddələrin səni xərçəng edəcəyini fikirləşmirsən. Tomat pastasın, makaronu, turşunu, hətta limon suyunu belə özün hazırlamırsan. Hazır almaq asına gəlir. Bazardan noxudu, lobyanı da bazardan alıb bişirmirsən, bunları da hazır konserv halında alıb yeməyi üstün tutursan.

İnsanlar 4000 ildir misvak və s. təbii vasitələrlə diş fırçalayarkən sən gedib 35 bucaqlı sintetik diş fırçasını seçdin. O da azmış kimi bildiyimiz paltar yuyucu vasitəsinin şəkər, nanə qarışdırılmış forması olan diş məcunu ilə ömrün boyu diş yudun və bunun bir qismini udduğunun fərqinə varmadın. Bal və karbonatın dişlərini daha yaxşı təmizlədiyini bilmədin və dişlərini də o pastalarla çürütdün.

Paltar yuyucu tozların, yumşaldıcıların bədən temperaturu ilə dəri tərəfindən sorulduğunu və dəri xərçənginin ən başlıca səbəbi olduğunu ya bilmədin, ya da bilərəkdən məhəl qoymadın. Halbuki paltarlarını karbonat qarışığı ilə yuyub, yumşaldıcı gözünə alma sirkəsi qoyaraq möhtəşəm bir təmizlik əldə edə bilərsən. Qabyuyan maşına yuyucu tozlar və parladıcı qoyanda həmin yuyucunu və parladıcını yediyini hiss etməmisən. Halbuki yuyucu yerinə karbonat, parladıcı əvəzinə sirkə töksən həm canın sağlam, həm də qabların tərtəmiz olacaq.

Evdə sadə acı və zeytun yağını qarışdırıb qəliblərə tökərək öz təbii sabununu hazırlaya biləcəyin halda, içərisində min cür kimyəvi zəhər olan o sabunlarla hər səhər üzünü, bədənini yudun. Hər dəfə “bu daha yaxşıdır” deyə aldığın şampun zəhərləri ilə saçını yudun.

Evini ərəb sabunu kimi təbii yağlarla hazırlanmış bir sabun əvəzinə, təmiz olsun deyə paltar yuyucuları ilə sildin. O da buxarlandıqca evin, otağın havasına qarışdı və sən də həmin havayla nəfəs aldın, nəticədə də ağciyər xərçəngi oldun.

Qarışqaları, milçəkləri, həşəratları karbonat, limon, reyhan, istiot və s. təbii vasitələrlə evindən uzaqlaşdırmaq mümkün olduğu halda həşərat zəhərindən istifadə etdin. Unutdun ki, o ağır kimyəvi maddələri baxmayaraq həşəratlar evindən getməyəcək. Həşərat dərmanı səpilmiş evin havasını uddun, fərqinə varmadan dərman dəymiş əlini ağzına saldın. Çox vaxt da satıcılar tərəfindən aldadılaraq həşərat dərmanı yerinə böcək zəhəri aldığının fərqinə varmadın.

Həyatını məhv edən böyük şəhərdə karbon qazı udmağa və avtomobil sürməyə davam etdin.

Rəsmən radiasiya olan cib telefonunu qulağına 2 saat yapışdırdın. Radioaktiv olan wi-fi (kabelsiz şəbəkə) aparatını evin içinə saldın, kompüteri qucağından yerə qoymadın. Yatarkən mobil telefonunu hər zaman baş ucunda tutdun, amma təyyarə rejiminə almağı ağıl etmədin.

Həm uşağının otağına həm də öz yataq otağına gecə lampası qoydun və gecələri açıq qoydun. İmmunitet sisteminin güclənməsini və xərçəngdən qorunmağı təmin edən melatonin hormonunun gecə yatarkən zülmət qaranlıqda istehsal edildiyini heç vaxt eşitməmisən, ya da eşidib fikir verməmisən.

Sağlam bəslənməyən heyvanları, tərəvəzləri, meyvələri və taxılları yedin və adına da “sağlıqlı qidalanma” dedin. Üzərində “orqanik” yazılan hər bir qidanı həqiqətən üzvi sandın, bunlara həddindən artıq pul da verdin. Amma bir qidanın həqiqətən orqanik hesab olunması üçün lazımi standartlar nələrdir və aldığın orqanik məhsul həqiqətən də orqanik olub olmadığını öyrənmədin, buna heç cəhd də etmədin.

Qidalarını şüşə və torpaqdan hazırlanmış qablarda saxlamaq və bişirmək əvəzinə polad və ya müxtəlif zərərli materiallarla örtülmüş qablarda bişirib yedin. Ən əhəmiyyətlisi də mətbəxinin hər yerinə plastik, teflon və alüminium saldın və zaman keçdikcə də onları da yediyini unutdun.

Dənizə kanalizasiya və zavod tullantıları boşaldarkən o dənizdən çıxan balığı yedin.

Ayaqüstü qidalanmanın hər mərhələsinin zəhərli və ölümcül olduğu açıq-aşkar bəyan edilərkən, sən məcməyi böyüklükdə pitsaları, üç mərtəbəli qamburqerləri yedin.

Evinə neylon torba, neylon paltar, sintetik ayaqqabılar saldın. Paltarlarında ancaq pambıq, bambuk lifi, kətan seçim etmədin.

Sobanı atıb evini kondisionerlə və digər elektrik qızdırıcıları ilə isitdin.

Torpağa toxunmursan və stressdən gülümsəməyi belə unudursan.

Nəticə: küçədəki hər on nəfərdən üçü xərçəngdir. Sən də ya bu üç nəfərdən birisən, ya da bütün bu sadaladıqlarımı israrla etməyə davam etsən, bir müddət sonra dördüncüsü də sən olacaqsan.
Yaxşı, özünü keçdik, bəs uşağının günahı nədir?

(Eurasiadiary.az)