Oruc tutarkən baş ağrısına qarşı məsləhətlər
986 dəfə baxılıb
Yastığınıza 1-2 damcı lavanda yağı damızdırın.
Qaymorit problemi yaşayırsınızsa və ya stresli bir işdə işləyirsinizsə, bununla yanaşı oruc tutmusunuzsa, ağrayan başınız sizi çətin vəziyyətdə qoya bilər. Ona görə də, sizə bəzi problemlərin qarşısını əvvəlcədən almağınızı tövsiyyə edirik.
“Sələf Xəbər” A24.az-a istinadən oruc tutarkən baş ağrısı problemi yaşanarsa, lazım gələn bir neçə tədbiri təqdim edir:
1. Baş ağrısının əsas səbəblərindən biri olan stress əzələləri sərtləşdirir və ağrı boyun ilə başlayıb baş ağrısına çevrilir. Bu zaman boynumuzu və çiyinlərimizi hərəkət etdirməliyik. Oturduğumuz kreslonun rahat olmasına da diqqət etməliyik.
2. Digər vasitə, yastığınıza 1-2 damcı lavanda yağı damızdıraraq yata bilərsiniz.
3. Limon aromaterapiyası da baş ağrısına yaxşı təsir edir. Bir parça limonu əlinizdə ovuşdurub üzünüzə və alnınıza sürtün.
4. Başınız ağrayan zaman bədəninizdə elə nöqtələr var ki, o hissələri masaj etməklə ağrının qarşısını ala bilərsiniz. Bu nöqtələr, baş barmağınızla şəhadət barmağınız arasında olan əlinizin üstündəki sahədir. Bu hissəni əlimizi yavaş basaraq, dairəvi şəkildə hərəkət etdirməklə masaj eləyə bilərsiniz.
5. Səbəbi qaymorit olan baş ağrısı zamanı insan işığa qarşı həssas olur. Ona görə də bu zaman qaranlıq otaqda dincəlməyə üstünlük verin.
6. İsti su bədəndəki əzələləri yumşaldır və boşaldır. Yox, əgər duş qəbul edə bilmirsinizsə, ayaqlarınızı isti suya qoya bilərsiniz.
7. Başınıza buz qoyaraq baş ağrınızı yüngülləşdirə bilərsiniz.
Sələf Xəbər: Peyğəmbər (Allahın ona salavat və salamı olsun) buyurmuşdur: “İki nemət vardır ki, insanların çoxu bunda aldanmışdır. Qiymətini bildikləri halda onlardan istifadə etməkdən, faydalanmaqdan məhrum qalmışdır. Bu iki mühim nemət – sağlamlıq bə boş vaxtdır”. (Buxari, Riqaq, 1, 60; Tirmizi, Zühd, 1; İbn Məcə, Zühd, 15; Əhməd ibn Hənbəl, Müsnəd, I, 344)
