Oruc tutmaq ömrü uzadır
993 dəfə baxılıb
ABŞ-da elm adamlarının apardığı tədqiqat nəticəsində məlum olub ki, oruc tutmaq yaşlanma prosesini yavaşladır və ömrü uzadırmış.
“Sələf Xəbər”in Türkiyə mediasına istinadən məlumatına görə, ayda, hətta 5 gün ərzində gündəlik alınan kalorini yarıya qədər azaldan və digər 25 gün ərzində adi qaydada qidalanmağa davam edən şəxslərin orqanizmində kəskin dəyişikliklər müşahidə olunub. 5 gün oruc tutan şəxslər qida rasionuna tərəvəz şorbası və çobanyastığı çayı da əlavə ediblər. Həmin şəxslərdə immun sisteminin gücləndiyi və xərçəng kimi təhlükəli xəstəliyə tutulma riskinin azaldığı ortaya çıxıb.
“The Fasting Mimicking Diet” (Orucu Təqlid Pəhrizi) tətbiq edən şəxslər oruc tutmadıqları digər 25 gün ərzində pis bəslənmiş olsalar da, 5 günlük pəhrizin insanlara müsbət təsiri olduğu məlum olub.
Oruc tutan şəxslərin orqanlarında olan kök hüceyrələrinin yenilənməsi, immun sisteminin güclənməsi nəticəsində xərçəng və ürək çatışmazlığı kimi ölümcül xəstəliklərin qarşısının alındığı da müşahidə olunub.
Mütəxəsislər belə bir nəticəyə gəliblər ki, oruc tutmaq psixikanı möhkəmləndirir, insan ömrünü uzadır və yaşlanma prosesini ləngidir.
Sələf Xəbər: Məhəmməd Peyğəmbər (Allahın ona salavat və salamı olsun) buyurmuşdur: “Uca Allah buyurur: “Adəmoğlunun bütün əməlləri özü üçündür. Oruc istisna olmaqla, o Mənim üçündür və onun da mükafatını Mən verəcəyəm”. Oruc bir qalxandır. Sizdən biriniz oruclu olduğu gün çirkin söz danışmasın, pis iş görməsin, cahillik etməsin. Əgər kimsə ona söysə “mən orucluyam” desin. Məhəmmədin nəfsi Əlində olan Allaha and olsun ki, oruc tutanın tutduğu oruca görə ağzının iyinin dəyişməsi Allah yanında müşk ətrindən daha xoşdur! Oruclunun iki sevinci vardır: biri iftar etdiyi vaxt, digəri isə Rəbbinə qovuşduqda orucuna görə sevindiyi gündür”. (Buxari)
