Övladlarınızın sağlamlığı üçün duzu azaldın
781 dəfə baxılıb
Övladlarınızın sağlam böyüməsini istəyirsinizsə, onların qida rasionunda duzun miqdarını azaldın.
“Sələf Xəbər” Atv.az-a istinadən bildirir ki, Böyük Britaniyada tibb işçiləri apardıqları araşdırma zamanı məhz belə qənaətə gəliblər.
Tibb işçiləri uşaqların gün ərzində bir çay qaşığından da az duz qəbul etmələrini məsləhət görsələr də, araşdırmalar zamanı bunun tam əksi sübut olunub. 500 uşaq üzərində aparılan araşdırma nəticəsində uşaqların 70 faizinin normadan çox duz qəbul etdiyi məlum olub.
Tədqiqatlar göstərir ki, duzun artıq dərəcədə qəbul olunması gənc yaşda yüksək qan təzyiqi yaradır və bu yüksək qan təzyiqi də ürək xəstəliyi eləcə də infarkta səbəb ola bilir. Buna görə də son zamanlar qida istehsalçılarına uşaq qidalarında duz miqdarının azaldılması məsləhət görülür. Çünki 1 qram duz miqdarının azaldılması minlərlə uşağın həyatının xilas edilməsi deməkdir.
Sələf Xəbər: İnsanları, sağlamlıq nemətinin qədrini bilməyə çağıraraq hədislərin birində Peyğəmbərimiz (Allahın ona salavat və salamı olsun) buyurmuşdur: “İki nemət vardır ki, insanların çoxu onların qədrini bilməz. Bunlar səhhət və asudə vaxtdır”. (Buxari)
Məhəmməd peyğəmbər (Allahın ona salavat və salamı olsun) insan sağlamlığına böyük əhəmiyyət vermiş və bizə öz həyatından misal olaraq sağlam həyat tərzinin qaydalarını göstərmişdir. Hədislərə müraciət etsək görərik ki, sağlamlığa ziyan verə biləcək qida və içkilərin qəbulu dinimizdə qadağan edilmiş, səhhətimizi möhkəmləndirəcək, xəstəliklərimizə dərman olacaq faydalı qida və içkilər isə hətta adları və istifadə qaydası ilə birlikdə çatdırılmışdır.
