“Piylənmə epidemiyası” uşaqlar arasında sürətlə yayılır
841 dəfə baxılıb
Ümumdünya Səhiyyə Təşkilatının (ÜST) məlumatına görə, ildən-ilə bütün dünyada piylənmədən əziyyət çəkən uşaqların sayı artır.
ÜST xəbər verir ki, dünyada ən azı 41 milyon 5 yaşına qədər olan uşaqlarda artıq çəki və piylənmə var. 1990-cı ildən artıq çəkisi olan kiçik yaşlı uşaqların sayı 10 milyon artıb.
ÜST ekspertləri qeyd edir ki, uşaqlarda piylənmə çox ciddi sağlamlıq problemlərinə və psixoloji çətinliklərə səbəb olur.
“Sələf Xəbər” Milli.Az-a istinadən bildirir ki, alimlərin müşahidələrinə görə, piylənmədən əziyyət çəkən uşaqlarda ürək-damar sistemi xəstəliklərinin əlamətləri artıq 8 yaşında inkişaf etməyə başlayır.
MedicalDayli xəbər verir ki, artıq çəkisi olan uşaqların 50%-i Asiyada, 25%-i isə Afrikada yaşayır.
ÜST-nin ekspertləri “piylənmə epidemiyası”na görə ciddi narahatçılıq bildirir və belə hesab edirlər ki, bu gələcəkdə böyük dünyəvi problemə çevriləcək.
Sələf Xəbər: İnsanları, sağlamlıq nemətinin qədrini bilməyə çağıraraq hədislərin birində Peyğəmbərimiz (Allahın ona salavat və salamı olsun) demişdir: “İki nemət vardır ki, insanların çoxu onların qədrini bilməz. Bunlar səhhət və asudə vaxtdır”. (Buxari)
Məhəmməd peyğəmbər (Allahın ona salavat və salamı olsun) insan sağlamlığına böyük əhəmiyyət vermiş və bizə öz həyatından misal olaraq sağlam həyat tərzinin qaydalarını göstərmişdir. Hədislərə müraciət etsək görərik ki, sağlamlığa ziyan verə biləcək qida və içkilərin qəbulu dinimizdə qadağan edilmiş, səhhətimizi möhkəmləndirəcək, xəstəliklərimizə dərman olacaq faydalı qida və içkilər isə hətta adları və istifadə qaydası ilə birlikdə çatdırılmışdır.
