Qazlı şirin içkilər insult yaradır
1. 101 dəfə baxılıb
Qazlı sular arterial təzyiqə təsir edir.
“Sələf Xəbər”in Lent.az-a istinadən xəbərinə görə, bu barədə Luiziana ştatındakı (ABŞ) Universitetin alimləri apardıqları təhqiqat nəticəsində qənaətə gəliblər.
Mütəxəssislər il yarım ərzində 25-79 yaş arası 810 insan üzərində müşahidə aparıblar, onların qida rasionu və həyat tərzini izləyiblər. Bu qrup hipertoniyadan əziyyət çəkənlər olub. İlkin mərhələdə iştirakçılar gündə 1 stəkan qazlı su içiblər. Sonra bu norma iki dəfə azaldılıb. Maraqlıdır ki, bundan sonra onların çəkisi azalıb və paralel olaraq qan təzyiqi də aşağı düşüb. Nəticədə insult riski azalıb.
Alimlər bununla əminlik hasil ediblər ki, qazlı şirin sular orqanizmə ziyan vurur. Onlar bu qənaətə gəliblər ki, əgər insanlar belə suları rasionda minimuma endirsələr, yaxud tamamilə rasiondan çıxarsalar, bu, qan təzyiqini normaya salmağa imkan verər. Tədqiqatçılara görə, gündə cəmi iki stəkan qazlı su içmək hipertoniyaya, hətta insulta gətirə bilər.
Sələf Xəbər: İnsanları, sağlamlıq nemətinin qədrini bilməyə çağıraraq hədislərin birində Peyğəmbərimiz (Allahın ona salavat və salamı olsun) buyurmuşdur: “İki nemət vardır ki, insanların çoxu onların qədrini bilməz. Bunlar səhhət və asudə vaxtdır”. (Buxari)
Məhəmməd peyğəmbər (Allahın ona salavat və salamı olsun) insan sağlamlığına böyük əhəmiyyət vermiş və bizə öz həyatından misal olaraq sağlam həyat tərzinin qaydalarını göstərmişdir. Hədislərə müraciət etsək görərik ki, sağlamlığa ziyan verə biləcək qida və içkilərin qəbulu dinimizdə qadağan edilmiş, səhhətimizi möhkəmləndirəcək, xəstəliklərimizə dərman olacaq faydalı qida və içkilər isə hətta adları və istifadə qaydası ilə birlikdə çatdırılmışdır.
