Qış aylarında immuniteti qaldırmağın yolları
1. 049 dəfə baxılıb
“Sələf Xəbər” Milli.Az-a istinadən qış aylarında immuniteti qaldırmaq üçün bəzi tövsiyələri təqdim edir:
– Pomidor, xiyar, bibər kimi qışa xas olmayan tərəvəzlərlə qidalanmanı məhdudlaşdırın.
– Çay və qəhvə yerinə C vitamini tərkibli cökə, adaçayı (sürvə), itburnu kimi bitki çayları için. Gündə 1,5-2 litr maye qəbul edin.
– Nizamlı şəkildə gimnastika edin.
– C Vitamini ilə zəngin olan sitrus bitkiləri, kivi, portağal, gül kələm, ispanaq kimi meyvə və tərəvəzlərə üstünlük verin.
– Həftədə 2 dəfə balıq yeyin. Həmçinin, balıq yağı qəbul etmək də məsləhət görülür.
– Normal miqdarda zülal qəbul etmək üçün qida rasionunuzdan süd, qatıq, pendir, ət məhsullarını əskik etməyin.
– Çox şirin və şəkərli qidalardan az istifadə edin.
– Çipsilər, kolbasa, sosiska məmulatları, yağlı ətlər və həddindən artıq yağlı qidalardan uzaq durun.
– Qızardılmış, qovurulmuş qidalar qəbul etmək yerinə, buxarda bişirilmiş və ya qaynadılmış qidalara üstünlük verin.
– Ən azından gün ərzində 10 dəqiqə təmiz havada olmaq məsləhətdir.
Sələf Xəbər: İnsanları, sağlamlıq nemətinin qədrini bilməyə çağıraraq hədislərin birində Peyğəmbərimiz (Allahın ona salavat və salamı olsun) buyurmuşdur: “İki nemət vardır ki, insanların çoxu onların qədrini bilməz. Bunlar səhhət və asudə vaxtdır”. (Buxari)
Məhəmməd peyğəmbər (Allahın ona salavat və salamı olsun) insan sağlamlığına böyük əhəmiyyət vermiş və bizə öz həyatından misal olaraq sağlam həyat tərzinin qaydalarını göstərmişdir. Hədislərə müraciət etsək görərik ki, sağlamlığa ziyan verə biləcək qida və içkilərin qəbulu dinimizdə qadağan edilmiş, səhhətimizi möhkəmləndirəcək, xəstəliklərimizə dərman olacaq faydalı qida və içkilər isə hətta adları və istifadə qaydası ilə birlikdə çatdırılmışdır.
