Qulaqlar bəzən ürəkdəki pozulmaların xəbərçisidir
935 dəfə baxılıb
1973-cü ildə həkim Sanders Frank qulaq mərcəyində büküşün olmasını ürəyin tac damarlarında aterosklerozun inkişafı ilə əlaqənin olmasına fikir verib.
“Sələf Xəbər” Milli.Az-a istinadən bildirir ki, daha sonra bu fenomeni “Frank əlaməti” adlandırmağa başlayıblar.
Bu nə deməkdir? Həkim fikir verib ki, qulaq mərcəyində büküşü olan bir çox insanların tac damarlarında aterosklerozun inkişafı müşahidə olunur. Ateroskleroz zamanı damarların daxilində yağa bənzər maddə xolesterin yığılır ki, bu da damarları daraldır, onların elastikliyini pozur. Şah damarlarda aterosklerozun olması infarkt kimi ağır pozulmanın inkişafının riskini xeyli artırır.
Frank əlamətinin mövcudluğu 40 yaşdan aşağı olan insanlarda xüsusilə təhlükəlidir. Araşdırmalar göstərib ki, bu yaşda olan insanlarda bu əlamətin olması 80% hallarda aterosklerozdan xəbər verir. Həmçinin araşdırmalar göstərib ki, Frank əlaməti cavan kişilərdə ani ürək ölümünün xəbərçisi ola bilər.
Təbii ki, Frank simptomunun olması heç də 100% hallarda ürəkdə olan ciddi problemlərə işarə etmir. Lakin risk var. Bu səbəbdən əgər siz özünüzdə Frank simptomunu müşahidə etmisinizsə, mütləq kardioloqa müraciət edin və lazım olan müayinələrdən keçin. Bununla siz öz sağlamlığınızı və hətta həyatınızı qoruya bilərsiniz.
Sələf Xəbər: Uca Allah buyurur: “Sizin üçün qulaq, göz və ürəklər yaradan Odur. Siz çox az şükür edirsiniz”. (Qurani-Kərim, “Muminun” surəsi, 78-ci ayə)
Peyğəmbər (Allahın ona salavat və salamı olsun) buyurmuşdur: “İki nemət vardır ki, insanların çoxu bunda aldanmışdır. Qiymətini bildikləri halda onlardan istifadə etməkdən, faydalanmaqdan məhrum qalmışdır. Bu iki mühim nemət; sağlamlıq bə boş vaxtdır”. (Buxari, Riqaq, 1, 60; Tirmizi, Zühd, 1; İbn Məcə, Zühd, 15; Əhməd ibn Hənbəl, Müsnəd, I, 344)
