Sələf Xəbər


SAĞLAMLIQ

 Son Xəbərlər

Sağlam və gümrah olmaq üçün bu məhsulları tükədin

May 17
17:25 2016

Gümrah görünmək ilk növbədə sağlamlıq əlamətidir. Sağlamlığa gedən yol isə sağlam həyat tərzi və düzgün qidalanmadan keçir.

“Sələf Xəbər” Milli.Az-a istinadən bunları təmin edən qidalardan bəhs edəcək.

Qlisemik indeksi aşağı qidalar yeyin

Qan şəkərini sürətli yüksəldən qidalar əvəzinə qlisemik indeksi aşağı qidalara üstünlük verin. Bu, daha sağlam bir seçim olacaq. Qan şəkərini çox sürətli yüksəldib, çox sürətli aşağı salan sadə karbohidratlar yerinə, qara çörək, quru paxlalı və yarma kimi qlisemik indeksi aşağı qidalar yeyin. Qlisemik indeksi aşağı olan qidalar insulin müqavimətini tənzimləyir, ikinci dərəcəli diabet və ürək-damar xəstəlikləri riskini azaldır. Bundan başqa, arıqlamağa da kömək olur.

Piyada yeriməyə başlayın

Yaz və yay ayları açıq hava piyada gəzmək üçün ən ideal zamandır. Xüsusən də dəniz kənarında gəzmək həm xoşbəxtlik hormonu ifrazını artırır, həm də insan bədənini formaya salır. Açıq havada yağların daha asan parçalandığını və təmiz havanın immunitet sistemini gücləndirdiyini unutmayın. Gündə orta hesabla 45 dəqiqəlik templi gedişlə təxminən 350 kalori yandırmaq mümkündür.

İmmuniteti gücləndirin

1 stəkan kefir, 1 çay qaşığı bal, 1 çay qaşığı zərdəçal, 10 badamı blenderdan keçirin və yemək aralarında yeyin. Beləcə həm tox qalacaq, həm də probiotik və sink sayəsində immunitetinizi gücləndirəcəksiniz.

Yuxu nizamını pozmayın

Gec yatmayın, səhərlər günə erkən başlayın. Gec saatlarda yeməyin. Bu vərdiş kortizol hormonunu azaltdığı üçün arıqlamağı çətinləşdirir. Araşdırmalar sübut edib ki, 00.00-04.00 arasında yuxuda olmaq arıqlamağa kömək olur. Bundan başqa, xoşbəxtlik hormonu da gecə yuxuda ifraz edilir.

Proteinsiz olmaz

İstər səhər yeməyi, istər ara yeməklərdə zülal tərkibi yüksək olan qidalar qəbul edin. Həm özünüzü daha gümrah və tox hiss edərsiniz, həm də maddələr mübadiləsini sürətləndirərsiniz. Səhər yeməyində yumurta, yeməklərdə bir kasa qatıq, ara paylarında çərəzlər (badam, fındıq, qoz) yeyin.

Su için

Su içmək qanımızı təmizləyərək gümrahlıq verir. Masanızda, əlinizin altında, harasa getdikdə mütləq yanınızda su olsun. Turşulu, qazlı və şəkərli içkilərdən uzaq durun. Artan maye ehtiyacınızı qarşılamaq üçün gündə təxminən 2,5-3 litr su için. Suyun içərisinə təzə nanə yarpaqları və limon dilimləri atmaq gözəl ideyadır.

Əvəzedilməz 5 tərəvəz

Lobya və yaşıl tərəvəzlər: əzələ istehsalına kömək olur, yağ yanmasını təmin edir, həzmi nizama salır, piylənmə, xərçəng, ürək xəstəlikləri, yüksək təzyiqlə mübarizə aparır.

Ənginar: Ehtiva etdiyi “ciarin” sayəsində qaraciyər, öd kisəsi, böyrək və bağırsaqların nizamlı işini təmin edir. Damar sərtliyi və ürək xəstəliklərinə qarşı qoruyucudur. Posa və dəmir tərkibi yüksəkdir.

Bamiyə: Yüksək lif faizi sayəsində toxluq hissi yaradır. Tərkibində olan C vitamini, güclü bir immunitet sistemi meydana gətirməyə kömək olur. Stress və depressiyanın qarşısını alır, sinir sisteminə müsbət istiqamətdə təsir edir. Kataraktanın qarşısını alır.

Tərə: Həzm sistemi və xüsusilə bağırsaqlara çox təsirli bir tərəvəzdir. Bağırsaq fəaliyyətinin zəif olması arıqlamağı çətinləşdirir, bağırsaqların sağlam formada işini təmin edir. Tərə beləcə arıqlamağa kömək olur. Bundan başqa, tərə yağ yandıran hüceyrələrin sağlam formada işini dəstəkləyir.

Paxla: Vitamin və zülal baxımından son dərəcə zəngin bu qida B1, B2, B6 və K vitaminləri, kalium və maqnezium mineralları baxımından da olduqca zəngindir. Paxla həzmi asanlaşdırır. Sidik yollarını təmizləyir, böyrəklərə olduqca faydalıdır.

Sələf Xəbər: Uca Allah buyurur: “Yerin bitirdiklərindən, insanların özlərindən və bilmədiklərindən bütün cütləri yaradan (Allah) pakdır, müqəddəsdir”. (Qurani-Kərim, “Ya sin” surəsi, 36-cı ayə)

İnsanları, sağlamlıq nemətinin qədrini bilməyə çağıraraq hədislərin birində Peyğəmbərimiz (Allahın ona salavat və salamı olsun) buyurmuşdur: “İki nemət vardır ki, insanların çoxu onların qədrini bilməz. Bunlar səhhət və asudə vaxtdır”. (Buxari)
Məhəmməd peyğəmbər (Allahın ona salavat və salamı olsun) insan sağlamlığına böyük əhəmiyyət vermiş və bizə öz həyatından misal olaraq sağlam həyat tərzinin qaydalarını göstərmişdir. Hədislərə müraciət etsək görərik ki, sağlamlığa ziyan verə biləcək qida və içkilərin qəbulu dinimizdə qadağan edilmiş, səhhətimizi möhkəmləndirəcək, xəstəliklərimizə dərman olacaq faydalı qida və içkilər isə hətta adları və istifadə qaydası ilə birlikdə çatdırılmışdır.

Digər xəbərlər

BİZİM FACEBOOK SƏHİFƏMİZ

İSLAMIN SƏSİ

   

Rəhbər üçün “Allah onu qorusun!” duasını etmək nə dərəcədə doğrudur? – VİDEO

📅1 Fevral, 2018🕔17:162. 132 dəfə baxılıb
   

Şeyx Saleh Ali Şeyx: “Rəhbər üçün minbərdən dua etmək” – VİDEO

📅1 Fevral, 2018🕔17:155. 794 dəfə baxılıb
   

Ərinin nöqsanlarına səbr edən qadına böyük mükafat vardır – Şeyx Muhəmməd bin Saleh əl-Useymin (Allah rəhmət etsin)

📅31 Yanvar, 2018🕔20:013. 574 dəfə baxılıb
   

İffət sahibləri Allahın kölgəsində olacaqlar – Şeyx Muhəmməd bin Saleh əl-Useymin (Allah rəhmət etsin)

📅30 Yanvar, 2018🕔19:352. 384 dəfə baxılıb
   

Hansı halda camaat namazına çatmış sayılırıq? – Şeyx Saleh bin Fovzan əl-Fovzan

📅29 Yanvar, 2018🕔19:333. 600 dəfə baxılıb
   

Bu duanı namazda salamdan öncə, yoxsa sonra deyək? – Şeyx Saleh bin Fovzan əl-Fovzan

📅25 Yanvar, 2018🕔19:302. 598 dəfə baxılıb
   

Vitrdən sonra namaz qılmaq olarmı? – Şeyx Əbdüləziz bin Bəzz (Allah rəhmət etsin)

📅24 Yanvar, 2018🕔19:233. 455 dəfə baxılıb
   

Ərinin üstünə qışqıran qadın – Şeyx İbn Useymin (Allah rəhmət etsin)

📅23 Yanvar, 2018🕔19:303. 825 dəfə baxılıb
   

Riyakarlıqdan ehtiyat edərək YAXŞI İŞİ TƏRK ETMƏ! – Şeyx İbn Useymin (Allah rəhmət etsin)

📅22 Yanvar, 2018🕔19:143. 133 dəfə baxılıb
   

Kriptovalyuta (virtual valyuta) şəriət tərəzisində – Şeyx Süleyman ər-Ruheyli

📅19 Yanvar, 2018🕔19:464. 008 dəfə baxılıb

BİZİ TWİTTER-DA İZLƏYİN