Sələf Xəbər


SAĞLAMLIQ

 Son Xəbərlər

Siqaret istəyini öldürən 13 – QİDA

Mart 22
16:48 2017

Dünyada elə bir adam tapmaq olmaz ki, siqaret çəkmək vərdişindən azad olmaq istəməsin. Lakin çox vaxt insanlar onun əsirinə çevrilir və siqaretlə mübarizədə məğlub olurlar. Siqareti tərgitdikdən sonrakı mərhələ də, adətən, çox çətin olur.

Selefxeber.azPublika.az”a istinadən xəbər verir ki, Abrahamson metodu ilə bu asılılıqdan xilas olmaq mümkündür. 30 ildir ki, həyata keçirilən bu üsul enerjiyə əsaslanan təbii təmizlənmə üsuludur. Abrahamson metodunu həyata keçirən mütəxəssislər siqaret istəyini azaldacaq qidaların adlarını açıqlayıb.

Həmin siyahını təqdim edirik.

1.Yulaf əzməsi

20 gün ərzində hər gün isti suda isladılmış yulaf yemək nikotin asılılığını azaldır.

2. Portağal

20 gün ərzində hər gün yarım portağal yemək nikotin istəyini 79 faiz azaldır.

3. Göyərti, tərəvəz və taxıl

İspanaq, kinoa, badam, qara düyü. Hər gün göyərti, tərəvəz və tam taxıl tərkibli hər hansı qida da siqaret çəkmək istəyini azaldır.

4. Pomidor

Pomidor suyu beyinə sinqal göndərdiyi üçün siqareti tərgidənlərə ilk 20 gün 1 stəkan pomidor suyu içmək təklif edilir. Beləliklə, həm asılılıq azalır, həm də pomidorun tərkibindəki antioksidant təsirə malik olan likopen sayəsində estrogen hormonlarının səviyyəsi artır. Pomidoru çiy şəkildə yemək əvəzinə bişirib yemək daha effektlidir.

5. Banan

Həm siqareti tərgitməyi asanlaşdıran, həm də siqaretin yaratdığı zərərli təsirləri minimuma endirən ən faydalı meyvədir. B vitamini və kalium ilə zəngin olduğu üçün orqanizmi gücləndirib ona gümrahlıq verir.

6. Alma

2007-ci ildə aparılan araşdırmada müntəzəm alma istehlakının ağ ciyər funksiyalarını yaxşılaşdırdığı aşkar olunub.

7. Fındıq

Tərkibindəki E vitamini orqanizmi ağ ciyər xərçəngindən qoruyur.

8. Zəncəfil

Zəncəfil ağ ciyərləri təmizləyən çox güclü antioksidantdır. Müxtəlif toksinləri, selikli qişa və arzuolunmaz hissəcikləri ağ ciyərlərdən təmizləyir.

9. Sarımsaq

Sarımsaq güclü antioksidant olmaqla yanaşı, tərkibindəki bol miqdarda alisin maddəsi ağ ciyərləri təmizləyir.

10. Evkalipt

Evkalipt təbii antibiotikdır. Onun tərkibindəki uçucu yağlar sayəsində ağ ciyər infeksiyaları məhv olur. Bundan başqa, qan təzyiqini artıraraq qanın çoxalmasını təmin edir. Öskürək, boğaz qıcıqlanması zamanı, əsasən, bu bitkinin yağından istifadə edilir. Təzə evkalipt çayı bronxit və sinusit xəstəliyinin müalicəsində də istifadə olunur. Onun buxarını udmaq öskürək və bronxiti yaxşılaşdırır.

11. Ekinezya

Soyuqdəymə və öskürəyin müalicəsində istifadə edilir. Bitkinin kökləri ağ ciyər infeksiyaları ilə mübarizə aparır.

12. Keçibuynuzu

Xüsusilə siqaret çəkənlər üçün çox faydalıdır. 5 ədəd keçibuynuzu 1 litr suda qaynadılıb acqarına içilsə, siqaretin verdiyi zərəri azaldar.

13. Əməköməci

Qaynar suda 1 miqdar əməköməci qaynadılır və 5-6 saat sonra acqarına 1 stəkan içilir. Bu çay ağ ciyəri yaxşılaşdırır. Əməköməci eyni zamanda ağ ciyər xərçənginin yaranması riskini azaldır.

Sələf Xəbər: İslam – müdriklik və ədalət dinidir, və insana yalnız xeyir verən şeyləri əmr edir, və yalnız ona ziyan vuran şeyləri qadağan edir. Bununla əlaqədar olaraq, İslam insanın öz sağlamlığına və ətrafındakıların sağlamlığına zərər verən bütün şeyləri qadağan edir. Buna görə, əgər müasir tibb bu və ya digər şeyin insan sağlamlığına yalnız ziyan verdiyini sübut edirsə, onda müsəlman üçün bu şeyin istifadəsinə icazə verilmir.

Siqaret və qəlyan da həmçinin bu kateqoriyaya daxildir. Məlumdur ki, siqaretçəkən öz sağlamlığına və ətrafındakıların sağlamlığına zərər verir. Həmçinin, siqaretçəkəndə siqaretlərdən asılılıq əmələ gəlir və o müntəzəm olaraq siqaret və ya qəlyan almağa pul xərcləməyə məcbur olur (məlumdur ki, ayrı-ayrı restoranlarda qəlyanın qiyməti 100 dollara, və ya ondan da baha başa gəlir), bu da başqa günaha – israfçılığa səbəb olur.

20-ci əsrin görkəmli islam alimi, mərhum şeyx Useymindən (Allah ona rəhmət etsin), İslamda siqaret çəkmə barəsində rəyi soruşduqda, şeyx belə cavab verdi: “Siqaret çəkmə İslamda qadağandır. Uca Allahının sözləri buna dəlildir: “Öz-özünüzü məhv etməyin.” (Müqəddəs Quran, “Nisa” surəsi, 29-cu ayə), “öz əllərinizlə özünüzü təhlükəyə atmayın.” (Müqəddəs Quran, “Bəqərə” surəsi, 195-ci ayə), “Dolanışığınız üçün Allahın sizə vasitə etdiyi mallarınızı ağılsızlara verməyin.” (Müqəddəs Quran, “Nisa” surəsi, 5-ci ayə). Peyğəmbər (ona salavat və salam olsun həmçinin) israfçılığı da qadağan edib.

Tibb sübut edir ki, siqaret çəkmə sağlamlığa ziyan vurur, və hətta siqaretçəkənin ölümünə səbəb ola bilər. Bu siqaret aludəçiliyi çəkənin intiharına aparır, beləliklə o özünü həlaka məhkum edir. Həmçinin siqaret çəkən öz əmlakını zay edir, çünki öz pulunu Allah ona bu pulu nəsib etdiyi məqsədlər üçün xərcləmir. Axı Allah bu pulu onun dolanışığı üçün vasitə edib ki, bu pullar onun həyatına və onun dininə xeyir gətirəcək şeylər üçün xərclənsin. Siqaret isə onun gündəlik həyatı, nə də onun dini üçün heç bir fayda vermir. Beləliklə, siqaret almağa pul xərcləmək israfçılıqdır ki, buna da Peyğəmbər (Allahın ona salavat və salamı olsun) qadağan etmişdir”. (Məcmu fətava va rəsaail şeyx Məhəmməd Saleh əl-Useymin).

Digər xəbərlər

BİZİM FACEBOOK SƏHİFƏMİZ

BİZİ TWİTTER-DA İZLƏYİN