Televizora çox baxmaq beyni məhv edir
784 dəfə baxılıb
ABŞ-da aparılan bir araşdırmaya görə, televizora çox baxmaq beyni öldürür və alzeimer riskini artırır.
ABŞ-ın Kaliforniya ştatında aparılan bir araşdırmaya görə hər gün 4 saat və daha çox televizora baxanlarda yaddaş pozğunluğunun yarandığı aşkarlanıb.
“Sələf Xəbər” “A24.az”-a istinadən xəbər verir ki, San-Fransiskoda yerləşən Şimali Kaliforniya Araşdırma və Təhsil İnstitutunun etdiyi və Alzeimer Dərnəyinin konfransında açıqlanan nəticələrə görə hərəkətsiz həyat tərzi zehnə pis təsir edir və günün 4 saatını televizora baxaraq keçirən insanlarda ağlını itirmə riskini artırır.
Araşdırma məqsədi ilə bir qrup insan üzərində yetkinlik çağından etibarən 25 il ərzində müşahidə aparılıb. Kaliforniya Universitetində psixatriya, nevrologiya və epidemiologiya professoru olan Kristin Yaffe araşdırmanın xüsusilə gənclər və uşaqlar üçün çox əhəmiyyət kəsb etdiyini və bunun nəzarət altında saxlanılmasını bildirib.
Alimin fikirinə görə, sadəcə televizora baxan və hərəkət etməyən insanlar deyil, elektronik alətlərdən asılı halda yaşayan insanlar da risk altındadır. Onun sözlərinə görə, bu əslində yaxşı bir xəbərdir. Çünki uzun illərdir ki, elm adamları alzeimer xəstəliyinin müalicəsini və qarşısının alınma üsullarını araşdırırdı. Bu araşdırmanın nəticələrinə görə insanlar daha hərəkətli bir həyat tərzi yaşasalar alzeimer riskini azalda biləcəklər.
Daim hərəkətli həyat tərzi yaddaş pozğunluğunun qarşısını alır və bu xəstəliyə tutulma riskini də azaldır.
Sələf Xəbər: İbn Qayyim (Allah ona rəhmət etsin) buyurub: “Vaxtı israf etmək ölümdən daha betərdi. Çünki vaxtı israf etmək, insanı Allahdan və Axirət diyarından ayırır. Ölüm isə, insanı dünyadan və onun əhlindən ayırır”. (“əl-Fəuəid” kitabı)
