Uşağınızın başı ağrayır? – Mütləq oxuyun!
939 dəfə baxılıb
Uşağınız tez-tez baş ağrılarından şikayət edirsə, bu, çox ciddi bir xəstəliyin əlaməti ola bilər.
“Sələf Xəbər” Türkiyə mediasına istinadən uşaqlarda rast gəlinən baş ağrılarının onlar üçün əslində təhlükəli bir xəstəliyin siqnalı olduğu haqqında xəbəri diqqətinizə çatdırır.
Uşaq sağlamlığı və xəstəlikləri üzrə mütəxəssis Ali Şimşək göz, boğaz, qulaq, diş, ağız ətrafının hər cür infeksiyaları və eləcə də beyinlə əlaqədar infeksiyaların uşaqlarda baş ağrılarına səbəb ola biləcəyini bildirib.
Uşaqlarda yaranan baş ağrılarının hər hansı bir xəstəliyin siqnalı kimi qiymətləndirib müalicə edilməsinin vacibliyini qeyd edən həkim deyir: “Beyin qanaması, menengit, sinusit, orta qulağın iltihabı və stress kimi səbəblər də baş ağrısı törədə bilər. Məsələn, əgər uşaqlarda boğaz infeksiyası vaxtında müalicə edilməzsə, nefrit xəstəliyi yarana bilər ki, bu da uşağın sağlamlığına ciddi zərər törədə bilər”.
Uşaqlarda görünən narahatlıqlar, xasiyyət dəyişkənliyi, iştahsızlıq əslində hansısa bir xəstəliyin əlaməti ola bilər. Əgər uşaq baş ağrılarından əziyyət çəkirsə, valideyn dərhal həkimə müraciət etməlidir. Uşağınızın baş ağrısından şikayət etdiyi zaman laqeyidlik göstərmək onun gələcək sağlamlığında ciddi təhlükə yarada bilər.
Sələf Xəbər: Məhəmməd Peyğəmbər (Allahın ona salavat və salamı olsun) buyurmuşdur: “Allah elə bir xəstəlik göndərməyib ki, onun müalicəsini göndərməsin”. (Buxari)
