Yuxusuzluq insanı ölümə aparır
889 dəfə baxılıb
Bir-birinin ardınca yuxusuz qalmaq şəkərə, eyni zamanda erkən qocalmaya səbəb olur.
“Sələf Xəbər” Milli.Az-a istinadən bildirir ki, mütəxəssislər apardıqları araşdırma nəticəsində belə qənaətə gəlib. 1741 nəfər qadın və kişi üzərində 14 il boyunca aparılan aparılan araşdırmanın nəticəsinə görə, gündə 6 saatdan az yatanlarda ölüm riski normadan yüksəkdir.
Onlar müəyyən ediblər ki, bir neçə gün yuxusuz qalmaq qandakı şəkərin miqdarını sürətlə artırır. Şəkərli diabetin yaranmasına səbəb bədəndəki insulinin hüceyrələrə nəqli zamanı yaranan pozğunluq nəticəsində qlükozanın qanda yığılması və bu zaman mədəaltı vəzin normadan artıq insulin ifraz etməsidir.
Yuxusuz qalmaq, eyni zamanda insan beyninin erkən qocalmasına da gətirib çıxarır. Yata bilməyən beyin gücləndirilmiş iş rejimi ilə işləyir ki, bu da onu vaxtından əvvəl yorur və beyində qısa müddətdə çox sayda neyron ölür. Üstəlik proses təkcə qocalma ilə yekunlaşmır. Bundan başqa yaddaş zəifləyir, insan qərar qəbuletmə bacarığını itirir, aqressivləşir. Hətta ifrat yuxusuzluq ölümlə də nəticələnə bilər.
Sələf Xəbər: Uca Allah buyurur: “Sizin üçün gecəni örtük, yuxunu rahatlıq, gündüzü də canlanma vaxtı edən Odur”. (Qurani-Kərim, “Furqan”, 47-ci ayə)
“Uca Allah Öz xeyirxahlığı və mərhəməti sayəsində gecəni sizin üçün örtü etmişdir. Gecə qaranlığı sizi hər tərəfdən əhatə edir və sizə təhlükəsiz bir yerdə sığınmağa və rahat yuxuya dalmağa imkan verir. Siz yuxuya gedir və gündüzün vurnuxmalarından qurtarıb istirahət edirsiniz və əgər Allah gecəni yaratmasaydı, onda siz tam rahatlıq əldə edə bilməzdiniz. Fasiləsiz çalışmağınızın sizə çoxlu zərər vurmasına baxmayaraq, siz işləməkdə davam edərdiniz. Həm də, əgər gecə həmişəlik davam etsəydi, onda siz dünyəvi və Axirət həyatınız naminə mükəmməl işləyə bilməzdiniz və buna görə də Rəbb sizin üçün gündüzü yaratmışdır. Günün gündüz çağında siz canlanırsınız və yer üzünə yayılaraq Allahın nemətlərini axtarırsınız. Sizdən kimisi ticarətlə məşğul olur, kimisi də uzaq ölkələrə səfərə çıxır, digərləri – müxtəlif peşələrlə və işlərlə məşğul olurlar ki, öz ehtiyaclarını və tələbatlarını ödəyə bilsinlər”. (Bax: “Təfsir Əs-Saadi”)
