Ziyanlı yeməklər həm də tənbəlləşdirir
961 dəfə baxılıb
Kaliforniya Universitetinin alimləri maraqlı nəticəyə gəliblər. Məlum olub ki, “Fast-fud” təkcə fiziki sağlamlığa deyil, həm də insanın emosional durumuna ziyan vurur. Məlum olub ki, “Fast-fud” adamları tənbəl və passiv edir.
“Sələf Xəbər” AZƏRTAC-a istinadən xəbər verir ki, tez-tez hamburger və çizburger yeyən insanlar tərkibində nişasta və külli miqdarda şəkər olan bulkalar, habelə yarımfabrikat ətlərin tərkibinin yağlı olması səbəbindən tənbəlləşir, süst olurlar. Alimlər bir daha təkidlə bildirirlər ki, insanlar çevik xidmət restoranlarında sağlamlıqları ilə eksperiment aparmasınlar. Daha çox meyvə-tərəvəz, ev şəraitində yağsız ətdən hazırlanmış yeməklər yesinlər.
Sələf Xəbər: İnsanları, sağlamlıq nemətinin qədrini bilməyə çağıraraq hədislərin birində Peyğəmbərimiz (Allahın ona salavat və salamı olsun) buyurmuşdur: “İki nemət vardır ki, insanların çoxu onların qədrini bilməz. Bunlar səhhət və asudə vaxtdır”. (Buxari)
Məhəmməd peyğəmbər (Allahın ona salavat və salamı olsun) insan sağlamlığına böyük əhəmiyyət vermiş və bizə öz həyatından misal olaraq sağlam həyat tərzinin qaydalarını göstərmişdir. Hədislərə müraciət etsək görərik ki, sağlamlığa ziyan verə biləcək qida və içkilərin qəbulu dinimizdə qadağan edilmiş, səhhətimizi möhkəmləndirəcək, xəstəliklərimizə dərman olacaq faydalı qida və içkilər isə hətta adları və istifadə qaydası ilə birlikdə çatdırılmışdır.
