Almaniya: Dağlıq Qarabağ Ermənistan tərəfindən işğal edilib
756 dəfə baxılıb
ATƏT-in Minsk Qrupunun həmsədrləri ilə Almaniya XİN-in dövlət katibi arasında keçirilən görüş barədə rəsmi məlumat yayılıb.
“Almaniya Dağlıq Qarabağ münaqişəsini diqqətdə saxlayır”.
“Sələf Xəbər”-in APA-ya istinadən xəbərinə görə, bu barədə Almaniya Xarici İşlər Nazirliyinin rəsmi saytında bildirilib.
Məlumatda qeyd olunub ki, AFR XİN-nin dövlət katibi Stefan Ştaynlayn 12 dekabr tarixində Dağlıq Qarabağ münaqişəsi üzrə ATƏT-in Minsk Qrupunun həmsədrləri Pier Andrie (Fransa), İqor Popov (Rusiya), Ceyms Uorlik (ABŞ), eləcə də ATƏT sədrinin xüsusi nümayəndəsi Andrey Kasprşik ilə görüş keçirib: “Görüşdə Ermənistan və Azərbaycan arasında artıq 20 ildən artıq davam edən münaqişədə artan gərginlik risqi fonunda münaqişənin siyasi həlli imkanları, münaqişə tərəfləri arasında etimadın yaradılması və həll prosesində Avropa İttifaqının daha fəal iştirakı məsələləri müzakirə edilib. ATƏT-in Minsk Qrupu 1992-ci ildən etibarən Ermənistan tərəfindən işğal olunmuş, beynəlxalq hüquq baxımından Azərbaycana məxsus olan Dağlıq Qarabağ ərazisi uğrunda münaqişənin siyasi yolla həlli prosesinə rəhbərlik edir. Həmsədrlər bununla bağlı münaqişə tərəfləri olan Ermənistan və Azərbaycanla məxfi danışıqlar aparırlar. Son aylarda hər iki ölkənin prezidentlərinin iştirakı ilə çoxsaylı görüşlər keçirilib. Eyni zamanda 2014-cü ildə atəşkəs xəttində ölüm hallarının aşkar şəkildə artması, habelə 12 noyabr tarixində erməni hərbi helikopterinin Azərbaycan tərəfindən vurulması qeydə alınıb”.
“Onlar sizə qarşı fəsad törətməkdən əl çəkməzlər, sizin sıxıntıya düşməyinizi istəyərlər. Düşmənçilikləri onların ağızlarından (çıxan sözlərdən) bəllidir. Kökslərində gizlətdikləri (düşmənçilik) isə daha böyükdür. Əgər anlayırsınızsa, Biz ayələri artıq sizə bəyan etdik.”
Qurani-Kərim, “Ali İmran” surəsi, 118-ci ayə
